Bida ang aktres na si Coleen Garcia sa Kung Hindi Lang Tayo Sumuko, ang six-part original series na mapapanood sa Viva One streaming site simula sa August 21, 2023.
Read: Coleen Garcia opens up about feeling "left behind" while on showbiz break
Leading man ni Coleen si Carlo Aquino. Kasama rin nila sa serye sina Ryza Cenon, Jerome Ponce, Kiko Estrada, at Rhen Escaño.
Read: Rhen Escaño kissing sexy roles goodbye for good?
Hango ang serye sa popular na libro na isinulat ni Marcelo Santos III.
Gagampanan nina Coleen at Carlo ang karakter nina Allie at Benedict, newly engaged couple na haharap sa pagsubok sa gitna ng paghahanda para sa nalalapit nilang kasal.
HOW FAR CAN COLEEN GO?
Bilang longtime lovers ang papel sa serye ay may intimate scenes sina Coleen at Carlo.
Hindi na ito bago kay Coleen dahil nagawa na niya ang ganitong mga eksena sa mga nagdaan niyang pelikula.
Depensa ni Coleen, mas tame ang intimate scenes niya sa Kung Hindi Lang Tayo Sumuko kumpara sa kanyang past projects.
Read: Coleen Garcia at Carlo Aquino, "pang-Viva One" ang intimate scenes sa serye nila
“Ako kasi, parang iniiwasan ko na kasi, di ba, sinabi ko naman sa mga interviews na ayoko masyadong magpaka-sexy because I wanted a change of direction also in my career. It’s not because nag asawa ako or may anak ako,” paliwanag ni Coleen nang makausap kamakailan ng entertainment press, kasama ang PEP.ph (Philippine Entertainment Portal).
Aminado si Coleen na hindi madali para sa isang artista ang gumawa ng sensitibong eksena sa harap ng kamera.
“It’s not something that I look forward to. In fact, it’s something that I dread kasi kinakabahan ako.
“[I keep thinking] ‘Sana maging okay. Sana hindi maging awkward.’ It’s awkward.
“If you guys can imagine, like imagine, nag-uusap lang kayo [ng co-star mo] tapos maya-maya kailangan mo siya i-kiss. Di ba, sobrang weird? It’s not natural.”
With that said, hindi pa rin naman daw maiiwasan ang maiinit na eksena lalo na kung kailangan ito sa istorya.
Sabi ni Coleen, “Ang selfish ko naman kung yung story yung mag-a-adjust para sa akin, or ang corny ko naman din kung hindi ako mag-a-accept ng project just because may iisang eksena na ganito.
“So it comes with the job as an actor, to be open to scenes like that.
“Kasi that’s not even the hardest scene that I have to do. Ang daming talagang emotionally taxing [scenes] na mas mahirap diyan, di ba? So, ano naman yung gagawin ko yan as long as my partner is respectful of my boundaries, then it’s okay.”
Nagpapasalamat si Coleen dahil inalagaan at very understanding ang direktor ng Kung Hindi Lang Tayo Sumuko na si Carlo Catu.
Kuwento ni Coleen, “Yung director namin sobrang madaling kausap.
“Pero siguro kung sobra-sobra yung hiningi na nakita ko na hindi naman kailangan [sa istorya], siguro iku-question ko, or I wouldn’t really say, ‘No, hindi ko to gagawin.’
“Pero it’s good to have a conversation about it if you’re not comfortable.”
SUPPORTIVE BILLY
Grateful din si Coleen sa mister niyang si Billy Crawford dahil sa pagiging maunawain nito sa kanyang trabaho bilang artista.
Sa parte ni Coleen, iniiwasan niyang magkuwento nang lubos kay Billy tungkol sa intimate scenes niya sa proyekto para pangalagaan din ang nararamdaman ng asawa.
“Actually, hindi ko siya pinaalam. Kinuwento ko siya [intimate scenes], nangyari na, tapos na,” natatawang sambit ni Coleen.
“Kasi he knows naman what to expect, nagawa ko naman na in the past [movies]. So, it’s not gonna help him if we talk about it. Baka lalo lang siya ma-affect.
“Kasi I’d be lying if I say na hindi siya affected. And sinabi niya rin sa akin yun na, ‘I’d be lying na hindi ako somehow affected when you do that.’"
Ganun pa man ay fully supportive naman daw si Billy at nagkakaintindihan silang mag-asawa sa demands ng kani-kanilang trabaho.
Binalikan ni Coleen kung paano niya sinuportahan si Billy nang sumali ito sa Dancing With the Stars, ang sikat na dance competition na napapanood sa France.
Ka-partner ni Billy sa nasabing programa ang French dancer at choreographer na si Fauve Hautot.
Very touchy ang ilang dance routines nina Billy at Fauve.
Hindi ito naging isyu kay Coleen at hinikayat pa nga niya ang asawa na gawin kung ano ang makabubuti sa performance nila ni Fauve.
Nagbunga naman ito dahil sa huli ay itinanghal na grand winner ng programa sina Billy at Fauve.
Read: Billy Crawford wins French edition of Dancing With The Stars
Kuwento ni Coleen, “Hindi kasi ako sanay na ganun si Billy kasi hindi talaga siya ganun because of me.
"Hindi siya masyadong ganun sa ibang babae na hina-hug niya, hinahawakan niya.
“Ang sabi ko, it’s needed kasi the people need to see that you’re getting along well with the person you’re working with.
“The people need to see that there’s chemistry for them to believe that there’s something.
“Kasi when you’re restricted, magta-translate talaga yan sa screen.
“Kasi nangyari na yan sa akin a long, long time ago, na hindi kami nagku-connect [ng co-star ko] so, onscreen, parang waley.
“I feel like there has to be some level of connection pa rin even off-screen at least magkakila kayo [and] you’re getting along well.”
Ganun din ang nararamdaman ni Coleen ngayong aktibo na ulit siya sa showbiz matapos ang almost three-year break para pagtuunan ng pansin ang pamilya.
“I’m so happy na binibigay niya [Billy] sa akin yung space na to be able to do what I have to do.
“Kasi I’ve never done anything naman para pagdudahan niya ako. I’ve never done anything to break his trust and siya rin naman, I trust him fully also.”