Nagsalita na ang organizer ng Manila fan meet para sa K-drama actor na si Seo In Guk tungkol sa last-minute decision na palitan ang Filipino actress-singer na si Kristel Fulgar bilang host ng event.
Ang Epic Events ang Philippine organizer ng fan meet, na ginanap sa New Frontier Theater noong Sabado, August 12, 2023.
Sa kanilang Facebook post kagabi, August 15, 2022, nakasaad na nanggaling ang directive na palitan si Kristel mula sa Korean technical director ng HY Official, ang Korean entertainment company na namahala sa event.
Ang ex-Pinoy Big Brother housemate na si Karen Bordador ang pumalit kay Kristel bilang host.
Sinubukan daw pakiusapan ng pamunuan ng Epic Events na magkaroon pa rin si Kristel ng appearance sa programa, pero ipinahiwatig nitong hindi sila ang may last say sa event.
Sabi sa statement ng Epic Events (published as is): "We would like to thank Kristel Fulgar for her professionalism and being a class act all throughout!
"She was one of the earliest to arrive and was already at the rehearsals at 7AM and gave positive energy to everyone!
"We exhausted all efforts to have her part of the program; even to just have one song number/duet with seo in guk for the fans but as mentioned in the vlog, the decision to have her no longer host was not from our end.
"We again would like to thank Kristel and her family for being the nicest people and showing nothing but love and respect even on what transpired."
Una nang naglabas ng vlog si Kristel para kumpirmahin na ang Korean technical director ng HY Official ang nagsabing hindi na siya ang host sa Seo In Guk fan meet.
Bukas siya sa pagsasabing siya ay 11 years nang fan ng Korean actor na nagbida sa Café Minamdang (2022) at Reply 1997 (2012).
Read: Kristel Fulgar meets Korean star Seo In Guk via video call
Kaya bakas ang lungkot ni Kristel nang bandang 4:30 p.m. noong August 12 ay ivlinog niya ang reaksiyon niya sa pagkatanggal sa kanya bilang host ng fan meet.
Pero nagkaroon pa rin ng special moment si Kristel kay Seo In Guk dahil bago sumalang ang aktor sa stage ay personal na nagkausap at nag-duet pa ang dalawa backstage.
KAREN BORDADOR'S TWEET
Sa kabilang banda, malaman ang pahayag ni Karen kaugnay ng pambabatikos sa kanyang hosting stint sa fan meet.
Tweet ni Karen kahapon, August 15: "After receiving mean and baseless IRRATIONAL hate I didn’t deserve…now what?
"So easy to point fingers but naturally no accountability taken. Damage is done! Karma comes in many forms.
"Hope you learned something. God bless!"
Tila last-minute na tinawagan si Karen para palitan si Kristel sa show base sa pag-repost ni Karen ng isang komento ng netizen na "isang tawag lang" ay "go agad" si Karen sa hosting gig.