Hanggang ngayon ay patuloy pa ring pinaninindigan ni Alexa Miro na magkaibigan lamang sila ni Ilocos Norte Representative at presidential son Sandro Marcos.
Matalik lang daw talaga silang magkaibigan ni Sandro at nabibigyan lamang ng malisya ng netizens ang kanilang pagiging malapit sa isa't isa.
Ito ay sa kabila ng hindi mamatay-matay na isyu at ilang sightings sa kanilang dalawa.
Sa Updated with Nelson Canlas podcast kahapon, August 17, 2023, diretsahang tinanong ng GMA News personality na si Nelson Canlas si Alexa tungkol sa totoong estado nila ni Sandro.
Mariing pagtanggi ni Alexa, “No, no, no, no, hindi siya nanliligaw.
"Kami, like what I said in all of my past interviews, he’s one of my closest friends.
"We trust each other with our problems, ganun din siya with his other friends na girls and boys… thankful ako na naging part ako ng circle nila...
“Kasi, I move from place to place. I don’t really have a core group of friends. And with them, they’re really like family.
"And with them, parang hindi na blood is thicker than water, parang water is thicker than blood sa kanila. Those who really have each other’s backs, and ganun kami ni Cong.”
Read: Alexa Miro on real score with Sandro Marcos: “We’re just really close.”
Dagdag pa ni Alexa, noong pumutok ang balita sa kanila ni Sandro, nagulat daw siya sa atensiyong ibinigay ng publiko sa kanila.
“Cong” pa nga raw kung tawagin niya ang presidential son.
Sabi niya, “Si Cong — he hates it when we call him that — pamilya kami. He calls his friends his family. Marami talaga siyang kaibigang babae, as in marami kami sa group.
"But, I guess, because I’m the fresh face, that’s what the people latched on to.
"Tapos lagi kaming magkasama, pero hindi natitiyempuhan ang ibang friends."
BASHERS
Mula nang maugnay siya kay Sandro, inuulan ng batikos si Alexa.
Pabiro niyang inaming “nababaliw” siya dahil sa hindi magagandang salitang ibinabato sa kanya ng bashers.
Aniya, “Nabaliw ako. Hindi ko ide-deny yan.
"I think for two weeks I was crying in the shower. I try not to cry in front of people so nagkukulong ako sa CR.
“Hindi ko siya naiintindihan before, but now, I just choose to not even try to understand it because we all have our own opinions, anyway, and nothing that anyone can say will really change who you are.”
Natatawa naman daw siya dahil hindi siya kinu-comfort ni Sandro. Pinagsabihan pa raw siya nitong huwag pansinin ang bashers.
Kuwento ni Alexa, “Hindi niya ako kinomfort. Ang sinabi niya lang, ‘Bakit mo kasi pinapansin ang bashers? What you should think about is the line from Game of Thrones where the lion doesn’t concern itself with the opinion of the sheep.’
"Very strong kasi yun, ganun siya.
"We trust each other with our problems, ganun din siya sa ibang best friends niya na girls and boys… iba, e.
"Actually, thankful ako na naging part ako ng circle nila because that something that I didn’t grow up with.”
ALEXA AND SANDRO'S "SECRET ROMANCE"
Noong Hulyo 2022 ay namataan sina Alexa at Sandro kasama ng kanilang common friends sa isang bar.
Noong oathtaking ni Sandro sa Malacañang noong June 30, 2022 ay namataan din si Alexa na dumalo sa pagtitipon.
Hindi maiwasang maugnay sa isa't isa ang dalawa, lalo na nang aksidenteng nabuking ni Lani Mercado si Sandro tungkol sa secret relationship nito.
Nakunan kasi ng video ang conversation nina Lani at Sandro nang magkita sila sa inauguration ni Vice President Sara Duterte sa Davao noong June 19, 2022.
Si Lani ay representative ng Bacoor, Cavite.
Nanuksong sinabi ni Lani na "taga-Bacoor" ang girlfriend ni Sandro—bagay na kinumpirma naman ng binatang kongresista.
Sabay pakiusap ni Sandro kay Lani, "But atin-atin lang iyan, ha."
"Yes, Sir," sagot ni Lani.
Si Alexa ay taga-Bacoor, Cavite, kaya mabilis na naugnay ng netizens ang aktres kay Sandro.
Read: Alexa Miro, spotted sa oath taking ng rumored boyfriend na si Sandro Marcos sa Malacañang
Spotted din sina Alexa at Sandro na nag-e-enjoy sa kanilang pagdalo sa Singapore F1 Grand Prix noong October 1, 2022.
Ginanap ang F1 race at concert event sa Marina Bay Street Circuit sa Singapore.
Read: Alexa Miro, Sandro Marcos spotted in Singapore for F1 Grand Prix