Nilinaw ni AJ Raval, 22, na walang katotohanan ang di mamatay-matay na isyung nabuntis siya at ang itinuturong ama ay ang nobyo niyang si Aljur Abrenica, 33.
Read: AJ Raval reveals convo with Aljur Abrenica before they became a couple
Sa kanyang Facebook Live noong August 15, 2023, kaswal na binanggit ni AJ na wala siyang anak.
"'Tsaka enough na please sa baby-baby issue and buntis and all.
"Hindi nangyari yun, okay? Walang ganun.
"Hindi ako nakakapagsalita. Dito lang sa live ko. Hindi talaga ako nabigyan ng chance na magsalita, na protektahan yung sarili ko. Yun lang," saad niya.
Ipinaliwanag ni AJ na matagal siyang umiwas sa social media dahil sa dami ng bashers niya mula nang maugnay sila ni Aljur.
"Dami ko kasi ginagawa. Nag-aaral ako, naglilipat ng bahay, kung anu-ano.
"'Tsaka nawalan ako ng gana mag-social media. Di siya maganda.
"Nag-heal ako that time. 'Tsaka pag nag-heal ka, wala ka talagang time mag-social media.
"So, okay na ako ngayon."
THE PREGNANCY RUMOR
Matagal na panahong nagkaroon ng espekulasyon tungkol sa diumano'y pagbubuntis ni AJ.
April 2022 nang maiulat ang pag-back out ni AJ sa pelikulang Scorpio Nights 3, sa dahilang nais niyang magpokus sa pag-aaral.
Read: AJ Raval, titigil na sa pagpapaseksi kaya umatras sa Scorpio Nights 3?
July 2022 naiulat na na-pack up ang pelikulang Us X Her. Sinasabing si AJ umano ang nagpa-pack up, at kasabay nito umugong ang katanungan kung buntis ba ang aktres.
Read: Balitang buntis si AJ Raval, confirmed nga ba? Shooting ng Us X Her, na-pack up dahil kay AJ?
August 2022 nang nasilayan si AJ sa isang mediacon sa gitna ng pregnancy rumor na idinidikit sa kanya.
Kasama niya roon ang ama niyang si Jeric Raval, na mariing pinabulaanan ang intriga tungkol sa anak.
Read: AJ Raval makes first public appearance amid pregnancy rumor
Makailang-beses ding nagsalita si Jeric tungkol sa isyu, at nitong August 2023, nilinaw niyang baka napagkakamalang anak ni AJ ang mga pamangkin nito.
Read: Jeric Raval addresses persistent rumor that AJ Raval has a baby with Aljur Abrenica
Noong July 21, 2023, naiulat na nagtapos si AJ ng high school sa edad na 22.
AJ'S APPEAL TO BASHERS
Balik sa latest Facebook Live ni AJ, inilahad ng Vivamax star na naiintindihan niyang binabansagan siyang "kabit" at "homewrecker" ng ibang bashers dahil kung tutuusin ay may asawa at pamilyado si Aljur.
Bilang depensa sa sarili, detalyadong ipinaliwanag ni AJ na hiwalay na sina Aljur at Kylie Padilla nang maging magkaibigan sila ng aktor.
Sinabi rin ni AJ na isang taon nanligaw sa kanya si Aljur bago naging sila noong July 2022.
Nagpahiwatig si AJ na kilala niya ang babaeng tunay na third party bago naghiwalay noong 2021 sina Aljur at Kylie.
Read: AJ Raval hints at woman involved in Aljur Abrenica-Kylie Padilla breakup
Sa huli, umapela si AJ na kung batikusin man siya ay huwag naman daw iyong below-the-belt comments.
"Grabe yung comment ng mga tao. Talagang demonyong-demonyo," saad ni AJ na nag-sorry sa terminong ginamit bilang paglalarawan sa bashers.
Patuloy niya, "Sasabihin, 'Mamatay ka na!' Ganun.
"Tapos may hawak ako na shotgun sabi, 'Sana magkamali ka ng hawak, maputok mo sa sarili mo.'
"Grabe! Tao pa ba kayo mag-isip? Men, di na tama yan.
"Mam-bash kayo, okay lang. Pero yung buhay na yung tao yung aanuhin niyo, mali na yun."