Bukas na aklat sa publiko ang tungkol sa pagtatapos ng relasyon nina Jennica Garcia at Alwyn Uytingco.
Tatlong taon na silang hiwalay, at ongoing na rin ang annulment ng kanilang kasal.
Read:
Jennica Garcia ends any talk about marriage to Alwyn Uytingco: “Hindi na kami mag-asawa ni Alwyn.”
Jennica Garcia clarifies real score with Christian Bables
Sa launch ng aktres bilang endorser ng Queen White beauty products nitong August 24, 2023, Huwebes, sa Romulo Café sa Tomas Morato, Quezon City, naitanong ang pinakamalaking lesson na natutunan niya sa nakaraang relasyon?
“Hahaha! Ano ba iyan? Hahaha! Ang hirap ng tanong! Ano ang natutunan ko? Siguro ano na lang, wala akong pinagsisisihan sa lahat ng pinagdaanan ko.
“Nung una siguro, when my heart was broken, andun yung kinukuwestiyon ko sarili ko. At nakakahiya mang aminin, dumating din ako sa time na kinukuwestiyon ko din si God, which is wrong, of course.
“Pero I don’t want to make it appear naman kasi as if I got it all under control, kalokohan naman yun, walang ganun.
“Talagang kinuwestiyon ko din si God sa mga nangyari, which is mali nga."
WHAT WAS WRONG WITH OLD JENNICA?
Sa huli, ang paghihiwalay ay nagbigay-daan para mas makilala ang sarili. Nalaman niya ang kanyang mga kahinaan.
Ani Jennica, "Pero kasi kung papipiliin ako kung hindi na lang ba nangyari kung ano yung nangyari noon o yung ngayon, dito pa rin po talaga ako sa ngayon.
"Kasi po dati, sobrang, kung meron man akong natutunan, sobrang duwag ko dati.
"I am very, very dependent on my ex-husband.
“Yung parang bilang asawa po kasi, may pagka-ano talaga ako, e, sobrang submissive kasi ako.
"Yung parang pagka, when it comes to decision-making, if my ex-husband makes a certain decision, even if I don’t agree with him or I feel that there is a better option or decision that we should take as a couple, I would always go with what he wants.
“Not that hindi ako magsasalita, I will tell him, pero kaya ko kasi siyang sundin wholeheartedly, e. Ang nangyayari, susundin ko siya, and then I pray to God that parang, ‘Lord I don’t trust his decision, but because I trust You, then, sige, I will let him decide.’ Parang ganyan.
"Pero ngayon kasi, nagkaroon na po talaga ako ng lakas ng loob, nararamdaman ko na may boses na rin po ako, I think I also have my two children to thank for this."
Malaking bagay sa kanyang healing process ang dalawa niyang anak: Sina Athena Mori and Alexis Severina.
“Iba kasi yung alam mo na nabubuhay ka lang para sa sarili mo sa nabubuhay ka kasi may binubuhay kang dalawa pa.
"Iba, e, iba yung magiging mindset mo, iba yung magiging drive mo sa buhay.
“Before, pag sinabi kong, ‘Ay hindi ko kaya iyan’, hindi ko kaya talaga. Pero ngayon po kasi, yung Jennica po ngayon, sasabihin niya lang na hindi niya kaya, pero gagawin niya pa rin.”
Read:
Jennica Garcia reveals joys and struggles of a single mom
Jennica Garcia moved by daughter Alessi's birthday gift for Ate Mori
JENNICA GARCIA'S LOVE LANGUAGE IS ALSO HER WEAKNESS
Nabanggit din ng 33-year-old mom ang kanyang love language o paraan niya ng pagpapakita o pagtanggap ng pagmamahal.
Hango sa 1992 book na The 5 Love Languages, may limang binanggit ang author, marriage counselor, at Baptist pastor na si Gary Chapman: (1) words of affimration (2) quality time (3) physical touch (4) acts of service (5) Gifts
Sa parte ni Jennica, it's affirmation.
Aniya, “Kasi alam ko na po yung weakness ko, alam ko na, na ang receiving love language ko is words of affirmation, so sa madaling salita, medyo uto-uto po tayo.
“Masabihan tayo ng, 'Ang ganda mo’, parang, ‘Ikaw lang ang mamahalin ko,’ ako naman si, ‘Ah oo nga,' ‘tama nga!’
“So parang hindi na tayo ganyan."
Mas mulat na raw siya ngayon, kaya kung sakaling iibig siyang muli, alam na niya ang gagawin.
“Minsan uto-uto talaga ako, e, so parang aware na tayo na, ‘O, girl, medyo uto-uto ka,’ so ano na, parang if you want to get to know me, hindi na tayo yung laging nagre-reciprocate agad ng binibigay.
“Marunong na tayong mag-weigh ng, 'Is this person’s intention of ganyan-ganyan, coming from purity and genuine heart?'"