Marami pa rin sa fans nina Barbie Forteza at David Licauco ang gustong maging totohanan ang on-screen romance nila.
Read: "Noli yarn?" How GMA-7's hit teleserye Maria Clara at Ibarra came about
Ito ay sa kabila ng kaalamang matagal nang kasintahan ni Barbie ang kapwa Kapuso actor na si Jak Roberto.
Sa panayam ng PEP.ph (Philippine Entertainment Portal), hiningan namin si David ng reaksiyon ukol dito.
"Well, of course, we have to understand na yun ang gusto nila," bungad ni David.
"Kumbaga, yun yong nagpapasaya sa kanila. And siyempre, as an actor, kailangang maintindihan ko rin yon.
"But of course, you know that word is a such a powerful thing."
Lubos ang pasasalamat ni David sa tagasuporta nila ni Barbie, pero pinaalalahan din niya ang iba na nagkakaroon ng kampihan.
"So for them to say bad words not just towards me, not just towards Barbie or Jak but also to...
"Parang meron silang, for example, yung may mga tinatawag silang pro-David, pro-Barbie, and all that.
"Honestly, they should stop that. Kasi you know, we all just kinda get by with life," paliwanag ni David.
Katuwiran niya, "Life is already hard. Bakit pa natin papahirapan ang sarili natin?"
Read: Maria Clara at Ibarra's X factor: great storytelling, stellar cast, big-budget production
NEW BARDA SERIES
Sa kabilang banda, muling mapapanood ang tambalang BarDa sa Kapuso Network.
Mula sa phenomenal success ng Maria Clara at Ibarra, sasabak ang dalawa sa isang action-drama prime-time series na Maging Sino Ka Man.
Magsisimula itong mapanood sa September 11.
Sa panayam ng PEP.ph sa mediacon ng serye noong August 31, ibinahagi ni David na bago sa kanya ang action genre.
"But with the help of my directors, sina Direk Enzo [William], cinematographer... From the ground-up, e. Mga passionate sila sa ginagawa nila kaya nakakahawa rin.
"And I feel, like, I already got the hang of it, kasi matagal na rin," nakangiting sabi ng aktor.
Ayon kay David, hindi niya akalaing darating ang panahon na mabibigyan siya ng oportunidad na gumawa ng action scenes.
Pero, mahilig na raw siyang manood ng mga action films.
Lahad niya: "Siguro growing-up, pangarap kong maging Jackie Chan or Jet Li. Kasi, pinapanood yon ng dad ko.
"Pero, hindi ko naman siya naisip na parang magiging artista ko. Walang moment in my life na magiging dream ko na maging artista."
"But I remember one time, nanonood lang ako sa bahay, parang sabi ko, 'Bakit kaya ganito ang buhay ng mga artista?'
"Akala ko that time, nasa TV talaga sila. Buong buhay nila, nandoon sila.
"Kasi, hindi naman natin alam yung sequence guide. Hindi naman literally na nasa TV lang."
Read: Barbie Forteza, sawa nang sagutin kung nagseselos si Jak Roberto sa love team nila ni David Licauco
TV ADAPTION OF SHARON-ROBIN STARRER
Ang Maging Sino Ka Man ay TV adaptation ng 1991 movie na pinagbibidahan nina Sharon Cuneta at Robin Padilla.
Si David ang gumaganap sa karakter na dating ginampanan ni Robin, na kilala sa pelikula bilang "Bad Boy of Philippine Cinema."
Kaya tinanong namin ang tinataguriang "Pambansang Ginoo" na si David kung may pressure siyang nararamdaman.
"Hindi naman ako na-pressure,” saad niya.
"I think, they got me for this role, in fairness to me, baka deserve ko naman siguro from the hard work that I put in.
"Siyempre, then again, it’s a big shoe to fill for me, also for Barbie kasi si Senator Robin Padilla and si Sharon Cuneta.
"It’s a big shoe to fill, but what I’m trying to do is to just stay in the moment.”
Naging phenomenal ang love team nina David at Barbie nang gawin nila ang Maria Clara at Ibarra.
Ibang-iba na ang mga karakter na ginagampanan nila ngayon sa bagong prime-time series.
Posible kayang manibago ang BarDa fans sa kanila?
"I think yung sa akin, maninibago sila," sagot ni David.
"It’s a different David, kasi usually, the roles that I get is yung mga mayaman, negosyante, laging naka-coat. But this one, very different talaga."
Hindi rin naman daw nagulat si David na action-drama ang sumunod na proyektong ibinigay sa kanila ni Barbie.
"Kasi, kung ano man ang ibigay nila sa akin, tinatanggap ko naman, e. Parang hindi naman siya nag-cross ng mind ko na, 'Ano kaya ang next project ko?' Hindi naman ganon.