Inilagak na sa kanyang huling hantungan ang beterano at award-winning journalist na si Mike Enriquez sa Loyola Memorial Park, Marikina City ngayong araw, September 3, 2023.
Read: Mel Tiangco speaks about Mike Enriquez's devotion to his wife Baby
Bago pa ang kanyang libing, nagkaroon muna ng funeral mass sa Christ the King Parish Church sa Greenmeadows, Quezon City. Naroon ang kanyang nangulilang maybahay na si Lizabeth "Baby" Yumping Enriquez.
Dumalo rin sa misa ang ilang GMA Network executives, pati mga kasamahan ni Mike sa GMA Public Affairs, DZBB, at GMA Integrated News.
Naglingkod si Mike bilang presidente ng RGMA Network, Inc. at naging GMA Network’s senior vice president at consultant for Radio Operations. May dalawa siyang programa sa DZBB, ang Super Balita sa Umaga at Saksi sa Dobol B.
Read: Misis ni Joey de Leon, nangakong di pababayaan ang biyuda ni Mike Enriquez
Hindi inalintana ng mga nagmamahal kay Mike at mga katrabaho ang pabugsu-bugsong pag-ulan habang sumasabay sila sa funeral convoy nito.
Mula Christ the King Parish, idinaan muna ang mga labi ni Mike sa kanyang bahay sa White Plains Subdivision sa Quezon dahil ito ang kahilingan ng kanyang pamilya.
Nag-abang sa labas ng kanyang bahay ang dalawang kasama sa bahay nina Mike kung saan karga-karga nila ang dalawang alagang aso ni Mike na sina Booma (light brown) at Mikey (white).
Sa newsroom, “Booma” ang tawag kay Mike ng mga kasamahan niya.
Ang "Booma" ang call sign na ginagamit niya sa kanilang radio communications.
Read: Bakit "Booma" ang tawag kay Mike Enriquez ng mga taga-newsroom?
Binawian ng buhay si Mike sa ICU ng St. Luke's Medical Center, sa Quezon City, noong August 29, 2023. Siya ay 71 taong gulang.
Read: Veteran broadcaster Mike Enriquez dies at 71
MIKE ENRIQUEZ'S HEALTH CONDITION
Noong December 2021, nagkaroon si Mike ng medical leave para sa kanyang kidney transplant.
Bago pa nito, noong 2018, nag-medical leave na rin siya para sumailalim sa isang heart bypass.
Si Mike ang isa sa mga haligi ng GMA's flagship newscast na 24 Oras.
Tinagurian din siyang “Sumbungan ng Bayan” dahil sa kanyang long-running GMA Public Affairs program na Imbestigador.
Related articles:
- Raffy Tima, Howie Severino recall most memorable news coverage with Mike Enriquez
- Sandra Aguinaldo, Mark Zambrano, Mariz Umali, Lyn Ching, Suzi Entrata recall fondest memories with Mike Enriquez
- Arnold Clavio, Connie Sison, Karen Davila, fellow broadcasters pay tribute to late Mike Enriquez
- Ogie Alcasid, Gary Valenciano, Yasmien Kurdi remember late broadcaster Mike Enriquez
- Jessica Soho looks back on last encounter with Mike Enriquez in memorial letter
- Sen. Jinggoy Estrada files resolution to honor Mike Enriquez's "outstanding body of work"
- Vicky Morales bursts into tears at Mike Enriquez’s wake
- ABS-CBN anchors Karen Davila, Bernadette Sembrano attend first night of GMA News anchor Mike Enriquez’s wake