Hindi pa raw lubusang nagsi-sink in kay Lizabeth "Baby" Yumping-Enriquez na wala na ang kanyang asawang si Mike Enriquez, na kasama niya sa buhay sa loob ng apatnapu’t anim (46) na taon.
Binawian ng buhay ang veteran broadcaster sa ICU ng St. Luke's Medical Center, sa Quezon City, noong August 29, 2023, sa edad na 71.
Read: Veteran broadcaster Mike Enriquez dies at 71
Sa isang pambihirang pagkakataon, nagpaunlak ng panayam si Baby kay Jessica Soho na umere sa Kapuso Mo, Jessica Soho (KMJS) ng GMA-7 kagabi, September 3, 2023.
Sa mismong burol ni Mike sa Christ The King Church sa Greenmeadows, Quezon City, nakausap ni Jessica si Baby.
Dito ay inilahad ni Baby ang pakikipaglaban ni Mike na malagpasan ang kanyang karamdaman at ang mga huling sandali nito bago pumanaw.
“I think, it hasn't sunk in yet. Kasi marami pang tao, pero I'm sure all of these... tapos ako na lang mag-isa sa bahay. I don't know, I really don't know,” panimula ni Baby, na halos mabasag ang boses habang nagsasalita.
Tanong ni Jessica, “Pero lumaban siya?”
“Of course. Yes, Yes, up to the end,” sagot ni Baby.
Ilang taon ding nakipaglaban si Mike sa kanyang mga karamdaman.
Lahad ni Baby, “Ang tagal. Kaya nga ang nagiging consolation ko na lang ngayon kahit it’s very sad, kasi he's been through a lot, his body na was full of ano na, e, holes.
“Yung huling hole niya is yung tracheostomy ba yun? Nilagyan na siya ng ano dito [sabay turo sa may throat area].
“At the end, dina-dialyze na siya because of the infection. It was affecting his kidneys already, so they had to do dialysis. And dito nila pinapadaan [sabay turo sa left side ng leeg].”
Noong December 2021, sumailalim si Mike sa kidney transplant.
Lahad ni Baby, "Yung new kidney niya was doing well. No rejection at all. Kaya nga sabi ko, sayang, you know.”
Pero nagkaroon muli ng infection ang kanyang operasyon dahil daw sa pneumonia.
Dagdag pa niya, "Because nga, yun palang kidney transplant, they give you anti-rejection medicine.
"And that anti-rejection medicine lowers your immune system. So, kaya nahirapan ang mga doctors to arrest the infection because of that.”
MIKE ENRIQUEZ'S LAST DAY
Noong August 29, ilang sandali bago pumanaw si Mike, sumailalim muli ito sa routine dialysis.
Pero tila sumuko na si Mike dahil bigla na lamang bumaba ang blood pressure nito at tumigil na sa pagtibok ang kanyang puso.
Sabi ni Baby, “But sadly, during his last day of having dialysis, his BP dropped and suddenly his heartbeat stopped.”
Noong sandaling iyon, mga bandang ala-una ng hapon, papunta na si Baby sa St. Luke’s Medical Center.
Bigla na lamang daw siyang nakatanggap ng text mula sa caregiver ni Mike na nagsabing kasalukuyan umanong sinasalba ang buhay ng asawa.
Lahad ni Baby, "I was on the way na to the hospital, siguro mga one o’clock, and then suddenly the caregiver texted me na, 'Ma'am, Sir Mike is being resuscitated already.'
"’Ha?’ Sabi ko, ‘Why?’ Hindi ko in-expect yun kasi routine na magda-dialysis siya, e, pang-ilang beses na niya yun.
“When I arrived at the hospital, three times na siya naano, e, na-revive. So, sabi ko, 'Doc, tama na.’ Sabi ko, ‘Enough na.'"
Pagpapatuloy pa niya, "After nung ano, ng third resuscitation, I was in the ICU, e.
"Nandoon lang ako sa labas kasi I couldn't bear to see him with so many tubes connected to him. Sabi ko, 'I'll go out na.' And then I broke down na.”
Nasabi niya ba lahat ang mga gusto niyang sabihin kay Mike bago ito nalagutan ng hininga?
Tugon ni Baby, “Oo naman. Noong una, I keep on telling him na, ‘Fight! Fight, Mike! Kaya mo yan! Kaya mo yan! Do not give up!’
“Pero nung bandang huli, nakikita ko na parang nahirapan na nga siya, sabi ko, ‘Sige na, ano, kung pagod ka na.’”
Dito na nagsimulang mangilid ang luha ni Baby.
Pagpapatuloy niya, “Lalo na nung last minutes, pinalapit na ako nung doctor, sinabi ko sa kanya, ‘Sige, Mike. I'll be fine. I'll be fine. I know God will not forsake me. Kung pagod ka na, you rest na. And I love you.’
"Yun lang ang sinabi ko and then I broke down na, e.
“Tinanong ko ho sa mga doctor, 'Di niyo ho ba aalisin yung ventilator,' will wait pa na ma-flatline siya.
“Tapos after several minutes, nilapitan na ako ng doctor, ‘Baby, nag-flatline na.’"
Inihatid na sa kanyang huling hantungan ang mga labi ni Mike sa Loyola Memorial Park sa Marikina City, kahapon, September 3, 2023.
Read: Veteran broadcaster Mike Enriquez laid to rest at Loyola Memorial Park
Related articles:
- Mel Tiangco speaks about Mike Enriquez's devotion to his wife Baby
- Misis ni Joey de Leon, nangakong di pababayaan ang biyuda ni Mike Enriquez
- Raffy Tima, Howie Severino recall most memorable news coverage with Mike Enriquez
- Sandra Aguinaldo, Mark Zambrano, Mariz Umali, Lyn Ching, Suzi Entrata recall fondest memories with Mike Enriquez
- Arnold Clavio, Connie Sison, Karen Davila, fellow broadcasters pay tribute to late Mike Enriquez
- Ogie Alcasid, Gary Valenciano, Yasmien Kurdi remember late broadcaster Mike Enriquez
- Jessica Soho looks back on last encounter with Mike Enriquez in memorial letter
- Sen. Jinggoy Estrada files resolution to honor Mike Enriquez's "outstanding body of work"
- Vicky Morales bursts into tears at Mike Enriquez’s wake
- ABS-CBN anchors Karen Davila, Bernadette Sembrano attend first night of GMA News anchor Mike Enriquez’s wake