Labis-labis ang sakit na nararamdaman ni Iwa Moto dahil sa pagpanaw ni Yzabel Ablan, ang anak ng ex-partner niyang si Mickey Ablan.
Read: Janna Dominguez, Mickey Ablan daughter passes away
Ikinasal sina Iwa at Mickey sa Cavite noong October 2009. Pero halos dalawang taon lang silang nagsama at nagkahiwalay rin.
Sa kabila nito, naging malalim ang samahan nina Iwa at Yzabel, na anak ni Mickey sa dating karelasyon.
Pagbabahagi nga ni Mickey sa PEP.ph (Philippine Entertainment Portal) ngayong araw, October 9, 2023, “Na-meet siya [Yzabel] ni Iwa, 6 years old.”
Read: Iwa Moto finally admits marrying Mickey Ablan; explains why they decided to deny it then
Sa pamamagitan ng Instagram kahapon, October 8, ibinahagi ni Iwa ang mensahe niya sa pumanaw na anak-anakan.
Pahayag ng dating aktres, “My little butterfly. Thank you.
"Still can’t find words to say other than I love you so much and I will miss you. See you in my dreams my little warrior.. watch over us anak. Mommy loves you so much (broken heart emoji)”
View this post on Instagram
Ngayong Lunes, October 9, kalakip ng mga luma nilang larawan, ibinahagi ni Iwa ang espesyal na relasyon nila ni Yzabel noong nagsasama pa sila ni Mickey.
Kahit hindi raw siya ang biological mother ni Yzabel, itinuturing pa rin daw niya itong “firstborn.”
Kay Yzabel umano naranasan ni Iwa ang maraming una sa buhay bilang isang ina.
Madamdaming pahayag ni Iwa, “My heart is in so much pain… still can’t believe that my ate chabelits is gone. Heaven is lucky to have such a wonderful person.
“To all the people asking. Yzabel is my 1st born daughter. And yes hindi ako ang biological mom nya.
“I was her stepmom for a couple of years. Pero i know in my heart na mahal na mahal ko sya kahit di ako ang nag luwal sakanya sa mundong to.
“Sya ang 1st ko sa madaming bagay.”
Kasunod nito ay inisa-isa ni Iwa ang mga naimulat sa kanya ni Yzabel noong magkasama pa sila.
Aniya, “Tinuruan nya akong maging mommy. Maging patient, she always tells me that to be fully happy i have to learn to forgive.. and she is a survivor.
“Sobrang daming mong pinagdaanan anak. Nalampasan mo yun. And you become the best version of yourself, you have touched so many lives anak.
“Thank you kasi anak kahit ang tagal na nating d nakgkikita you never fail to greet me. Or just to say hi. You always have so much kwento. Mamimiss ko yun anak.
“Yung mag tetext ka sakin kung maganda ba ootd mo. Or mag rarant ka lang mamimiss ko yun anak. I wish i could have spend more time with you."
Dagdag pa ni Iwa, “Im sorry if i fail you anak. Sorry sa mga pagkakamali ko. tandaan mo anak na sobrang mahal ka ni mommy. See you in my dreams anak.”
View this post on Instagram
Nakadalaw na sa lamay ni Yzabel si Iwa, kasama ang partner nito ngayong si Pampi Lacson, kagabi, October 8.
Samantala, si Mickey ay engaged na sa aktres na si Janna Dominguez.
Read: Mickey Ablan devastated by death of daughter Yzabel: “Ikaw dapat maglilibing sa kin...”