Galit at dismayado ang TV host-comedian na si Vice Ganda sa isang airline company na nakasira sa masaya raw sana nilang bakasyon.
Martes ng gabi, October 24, 2023, naglabas ng kanyang saloobin si Vice sa X (dating Twitter) para i-call out ang airline company na nag-overbooking umano kaya hindi nakasakay ang iba niyang kasama, at maging siya ay nawalan ng upuan.
Base sa posts ni Vice, pabalik na siya sa Pilipinas galing Bangkok, Thailand nang mangyari ito.
Tweet ni Vice (published as is), GRABE KA @flyPAL !!!
“Grabeng pangaabala at perwisyo ang dinulot mo sa masaya sanang trip na ito!!!
“Bakit kayo ganyan??? Ilang beses nyo kaming pinaranas ng overbooking sa puntong di nakasakay ang kasama namin.
“Ngayon ako naman ang nawalan ng upuan! [angry face emojis].”
Himutok pa niya, "Sistema nyo na ba talaga ang overbooking @flyPAL??? Alam nyo ba kung gaanong stress ang idinudulot nyo sa pasaherong di nakakasakay sa binook at binayaran nyang flyt? May damdamin pa ba kayo ng malasakit para sa pasahero? Pera pera?"
Read: Netizens go wild guessing Vice Ganda's new endorsement
Agad namang sumagot ang airline company at humingi ng dispensa sa It’s Showtime host.
Ikinalulungkot daw nila ang nangyari at naiintindihan nila ang galit na nararamdaman ngayon ni Vice.
Saad nila, “Hi, Vice. We would like to express our apology for the disruption and inconvenience you have faced during what should have been a joyful journey.
“We truly understand your frustration, and we are genuinely sorry for the trouble this has caused you."
Read: ‘It’s Showtime’ hosts bond in Hong Kong amid show's suspension
Iimbestigahan din daw nila ang nangyari at agad nilang ipaparating kay Vice ang resulta kung bakit ito nangyari.
“Your concerns about overbooking have not gone unnoticed.
"We are here to assure you that we take your feedback to heart and are committed to looking into this matter immediately.
“We were able to retrieve your booking details, and we are already in the process of investigating the issue with our Bangkok station.
“We greatly appreciate your patience and understanding as we work diligently to resolve this matter for you.
“Expect to hear from us with updates as soon as we receive information from our Bangkok station. Thank you.”
Ni-repost Vice ang tugon sa kanya ng airline company, ngunit hindi pa rin humupa ang inis ng It's Showtime host.
Aniya, "Pinapalitan nyo ng lungkot at buwisit ang saya na dulot ng excitement sa bawat trip at ligaya ng bawat nabuong memories sa trip ng dahil sa napakapanget nyong sistema! Masaya sana ang bawat alis at pag uwi kung meron kayong malasakit!"
Dagdag pa ni Vice, "Walang halong biro naiyak ako habang tumatakbo para umabot ako sa flyt na muntik kong di masakyan dahil nagoverbook kayo.
"Si Ion inabutan kong mukhang kawawang nasa pinto ng eroplano dahil ayaw nyang sumakay kung di ako makakasakay. Yun ang ginawa nyo sa amin. @flyPAL"
RESULT OF ARILINE COMPANY'S INVESTIGATION
Sumagot muli ang airline company upang ipaliwanag ang nangyari base sa isinagawa nilang imbestigasyon.
Itinanggi ng airline company na overbooked ang flight.
Nagkataon daw na sa kanilang safety checks bago ang flight ay natuklasan nilang dalawang business class seats ang hindi maaaring ipagamit sa pasahero dahil sa "safety concerns."
Kaugnay nito, kabilang si Vice sa in-offer-an ng "seat downgrade to economy class" upang masiguro ang "safety and operational integrity of the flight."
Tanggap daw nila ang pagkakamali nilang ito at humingi sila ng paumanhin kay Vice dahil sa nangyari.
Ayon pa sa airline company, nakatanggap sila ng update na kalaunan ay may dalawang alternative passengers na tumanggap ng downgrade offer, kaya naibalik kay Vice ang orihinal nitong na-book na business class seats.
Narito ang kabuuan ng pahayag ng airline company:
"Hi, Vice. We deeply regret the recent incident during your recent flight with us and would like to offer a clear explanation of the situation.
"First and foremost, we want to clarify that the flight was not overbooked, and we operate with the utmost commitment to safety. During pre-flight safety checks, two business class seats were identified as unserviceable due to safety concerns, rendering them unfit for passenger use.
"As a result, you were among the passengers offered a seat downgrade to economy class, a decision made to ensure safety and the operational integrity of the flight.
"We acknowledge that this may have been inconvenient and we extend our sincere apologies for any discomfort you experienced.
"We have received an update that eventually, two alternative passengers were identified and agreed to accept the downgrade offer, allowing you to return to your originally booked business class seats.
"We appreciate your patience and cooperation during this situation. Your feedback is invaluable, and we are dedicated to improving our communication and services for the benefit of all our passengers. If you have any further concerns or suggestions, please do not hesitate to reach out to us directly.
"Thank you for your understanding, and we appreciate your continued support as we strive to enhance the travel experience for everyone on board Philippine Airlines."
Kinontra naman ni Vice ang natanggap na paliwanag ng airline company. Hindi raw iyon ang sinabi sa kanya ng nakausap niya sa counter.
Nanggagalaiti niyang pahayag (published as is): "Hindi yan ang sinabi sakin sa counter! Ang sabi ng staff “THE FLIGHT WAS OVERBOOKED AND MY SEAT WAS GIVEN TO ANOTHER PASSENGER”.
"MAG BATO BATO PICK NA LANG KAYO NG STAFF SA COUNTER KUNG SINO SA INYO ANG PAL-PAK! YUNG PANALO LIBRE KO NG ROUND TRIP TICKET VIA CATHAY PACIFIC!"
Mananatiling bukas ang Philippine Entertainment Portal (PEP.ph) sa panig ni Vice at ng airline company kaugnay ng isyung ito.
READ MORE: