Ikinatuwa ng maraming netizens ang interaksiyon nina Marian Rivera at Heart Evangelista sa pamamagitan ng pag-react sa posts ng dalawa sa kani-kanilang Instagram accounts.
Kahapon, October 26, 2023, napansin ng mapanuring mata ng netizens na nag-iwan ng emoji comments ang dalawang Kapuso Queens sa kani-kanilang mga post.
Sa post ni Marian tungkol sa iniendorsong mineral water, nagkomento ng heart emoji si Heart.
View this post on Instagram
Sumagot naman dito ni Marian ng two hands forming a heart shape emoji.
Ang tugon ni Heart ay smiling face with open hands emoji.
Labis namang natuwa ang netizens sa dalawa.
Ang ilan pa nga ay nagsabing "the world is healing."
Si Heart naman ay nag-post nito: "Meetings to attend, a canvas in mind so much more on this Thursday Heyday [heart emoji]"
View this post on Instagram
Heart emoji ang komento rito ni Marian.
Sagot sa kanya ni Heart ay three heart emojis.
Labis din itong ikinatuwa ng fans ng dalawa.
May tumawag pa sa kanilang "real queens," at "dyosa ng GMA."
Saad pa ng isa, "Queens supporting queens."
Bago pa nito, napansin ng netizens nitong mga nakaraang araw na pareho nang pina-follow nina Marian at Heart ang isa't isa sa Instagram.
Read: Marian Rivera and Heart Evangelista now follow each other on Instagram
Lagpas isang dekada na ang nakalilipas mula nang magkaroon ng iringan o alitan ang dalawang Kapuso queens.
Read: (UPDATED) Marian Rivera and Heart Evangelista reportedly involved in a feud
Kung marami ang natutuwa sa tila pag-aayos nina Marin at Heart, may ilan namang curious malaman kung paano nangyari ang pagbabati ng dalawa at kung sino ang nag-initiate nito.
Sa ngayon, marami ang umaasang magkaroon ng isang proyektong pagsasamahan ang dalawa dahil pareho silang nakakontrata sa GMA-7.