May mga misconceptions daw tungkol kay Timmy Cruz, na madalas ilarawan noon bilang "celebrity born with a silver spoon."
Sa pagsikat niya noong 1980s with her Taglish song "Boy," akalain ng marami na bahagi siya ng pamosong Cruz clan ng showbiz.
Pero wala raw siyang kamag-anak na artista.
"I didn’t belong to the Cruz family. Akala ng mga tao, I was a sister of Pip [Tirso Cruz III], and I was cousin of Sunshine [Cruz].
"No, I belong to a business family, and none of my siblings are artists.
"Lumihis ako, at kapag lumihis ka, medyo mahirap kaya pinagtiyagaan ko."
Diin ni Timmy, sariling sikap daw niya ang paggawa ng pangalan sa showbiz.
Read: Meet the 1990s "It" squad: The Cruz cousins
DOES TIMMY CRUZ BELONG TO A RICH FAMILY?
Sa guesting niya noong 1990s sa defunct television talk show na Partners Mel & Jay, nabanggit niya ito: "I will not say we are rich. Siguro, we live more comfortably than others."
Nagkaroon daw siya ng kamalayan tungkol sa mas angat na buhay ng kanilang pamilya dahil sa bungkos ng susi para sa mga kuwarto sa kanilang bahay at para sa kotse.
Pagbabalik-tanaw niya, "Hindi ko naman naisip na mayaman o may-kaya, pero nagtataka ako noon because of the bunch of keys?
"One time, I think the driver gave it to me because he could not pick me up, then some of my classmates saw. They were very surprised because hindi raw ganoon sa house nila. We were very young then, so we didn't even know the concept of rich."
Read: 17 celebs who were born rich before they became famous
Ang gusto rin niyang i-correct ay yung mga nagsasabing "hindi ko na kailangang magtrabaho."
Sabi ni Timmy, "No, that’s not true. If you really get to know me, masipag po ako at matiyaga. Pinagtiyagaan ko.
"Noong nagsisimula ako, wala naman akong kakilala."
Hindi rin niya makukunsidera ang sarili na talented, pero dahil gusto niya talagang mag-artista, nag-take siya ng lessons at nag-training.
Read: Dianne Medina spills weight-loss secrets; vows to shed 17 pounds more
ON PURSUING A SHOWBIZ CAREER
Aniya, "Noong nagsimula ako, ang talent ko, zero. Minsan, sintunado. Hindi pa ako nakakahawak ng microphone. Never pa akong nakaapak ng stage. Never pa kong nakakapunta sa recording studio.
"Nag-aral ako ng voice, nag-aral ako ng dance, nag-aral akong magsalita.
"Pero, dahil siguro, sabi ni Lord, 'Sige na nga, ibibigay ko na sa iyo.' So, what happened, with all these talents that I wished that I have, they all emerged."
Eventually, sinubukan rin niya ang pag-arte, but she had to leave after she was diagnosed with breast cancer.
Fast forward to October 2023, now in her 50s, si Timmy ay balik-showbiz, at masaya niyang ibinalita na nagsusulat na rin siya ng kanta.
"So now, when I was in the United States thinking of coming back to showbiz, sabi ko kay Lord, 'Lord, noong nag-uumpisa ako, siguro meron akong konting talent sa singing.
"'Pero, right now, I’m facing you, what I have done to my talents, my voice, I’m taking care of it, physically also.
"And then, I learned how to write lyrics. I learned how to compose melody, and I learned how to dance."
Isa raw na nag-inspire sa kanya ay ang talented singer-composer-actor na si Ogie Alcasid.
Patuloy ni Timmy: "Kasi, sabi ko sa sarili ko, how can I call myself an artist if I only interpret other people songs. So okay, meron kang mga songs, pero, hindi naman ikaw ang sumulat.
"So sabi ko, ‘Lord, turuan mo naman akong magsulat. So there was one day, I was in a teleserye, and nandoon si Ogie Alcasid. E, di ba, magaling iyan na composer.
"Sabi ko, 'Ogie, turuan mo naman akong magsulat, o.' Sabi ni Ogie sa akin, 'Kaya mo iyan.' Sabi ko, 'Paano mo ba ginagawa?' Tapos sabi niya, 'Basta mag-emote ka lang.'
" Ang hirap naman noon. Sabi niya, 'Subukan mo lang nang subukan.'
"And I took his advice and now, I composed my music, and it’s distributed by Flip Music.”
May 28 songs si Timmy na naka-release na sa digital platform, at pang-29 ang rank ng kanyang bagong Christmas song.
ON HER NEW MANAGER
Bakit siya nagdesisyong magbalik sa pagkanta, at bakit niya naisipang sa Artist Circle magpa-manage?
"Actually, ang mga kapatid ko, ang kukulit," natawang sabi ni Timmy.
Lagi raw siyang tinatanong ng tatlong sisters niya kung kailan siya magbabalik-showbiz.
"And then, I keep telling them, it could happen at the right time.
"But for me, actually, I’m already in my comfort zone. I take care a lot of things for my family.
"I have big business responsibility, ang hirap talagang pagsabayin.
"But one day, I was in vacation in United States, my sister again, told me, 'Bumalik ka na! Babalik ka ba o hindi?’
"Sabi ko, 'Babalik ako. Gagawa ako ng paraan pag-uwi ko ng Manila.' Sabi niya, 'Hindi, kumontak ka na ngayon habang nandito ka. Gusto kong makita.'"
Ang dating manager ni Timmy, si Cornelia Lee, na mas kilala sa showbiz bilang Tita Angge, ay pumanaw noong 2017.
Kaya ang unang kinontak ni Timmy ay ang writer na si RJ Nuevas, na in-engganyo rin daw siyang magbalik na sa pag-aartista.
"And he gave the name of Rams David. Sabi niya, 'When you come back, I’ll set up a meeting with him.'"
Read: Linlang: Trending scenes with quotes
Sa recent presscon na ginanap ng Artist Circle para sa kanyang pagbabalik-showbiz, masayang ibinahagi ni Timmy na "marami akong dala-dalang regalo" para sa mga fans.
Gusto raw niyang maging bearer ng "peace, happiness, joy, enthusiasm, at good vibes."
After her battle with breast cancer, gusto raw niyang mas meaningful ang pakikipag-usap niya sa mga taong nakakasalamuha.
"Lahat iyan gusto kong i-share, super, sa showbiz. I know...peace on earth, but para sa akin kasi, it’s all start from within.
"We may look very nice outside. You may ask me, 'How are you?' And I’ll say, 'Fine.'
"But how are you really, inside? Gusto ko lang mai-share, kahit sa mga kapwa kong artista."