Pinalagan ng basketball player na si Ricci Rivero ang "death prayers" na natatanggap niya sa social media kasunod ng hard launch niya ng relasyon nila ng dating beauty queen at Los Baños, Laguna councilor na si Leren Mae Bautista.
Read: Ricci Rivero finally admits relationship with Leren Mae Bautista
Pahayag ni Ricci sa exclusive interview sa kanya ni MJ Marfori na lumabas sa Frontline Tonite ng TV5 kagabi, October 31, 2023, “Hindi nakakabuti yang pag-bash niyo.
“Kung tama man kayo, kung feel niyo tama yung sinasabi niyo, you can say it properly, di ba?
"You can tell that person na ito yung puwedeng gawin.”
Bukod sa death wishes, hindi rin tinatantanan sina Ricci at si Leren ng bashing mula sa netizens.
Sabi ng basketball player, “Napi-feel bad lang kasi ako na wala akong magawa for her din and for my family, di ba?
“Ang dami ng yung mga death prayers sa kanila sa social media. And for me, it's just not right.”
Noong October 29, 2023, ibinahagi ni Ricci sa kanyang Facebook account ang isang screenshot ng sinabi ng isang netizen tungkol sa kanilang pamilya.
Base sa screenshot, wini-wish ng netizen na kunin na ang buong pamilya nito ni Lord para manahimik na.
Read: Ricci Rivero slams basher wishing death for his entire family
Nanahimik na rin daw dapat noon si Ricci pero hindi niya matanggap ang ilang sinasabi ng netizens, lalo na mula sa kaibigan ng ex-girlfriend niyang si Andrea Brillantes na si Bea Borres.
Ito ay matapos maghayag si Bea sa X ng mensaheng tila patama sa kanya.
Sa panayam niya sa TV5, sinabi ni Ricci na naging gentleman lamang siya kaya niya dinpensahan si Leren.
Aniya, “E, nagsalita lang ako ngayon, siguro yung pagiging gentleman ko, dun din sa mga taong nasasaktan na like kay Leren, dun din sa family ko.”
Read: Ricci Rivero responds to Bea Borres "hanggang hard launch nag mamalinis" cryptic tweet
Dahil masaya na ang kanyang love life, magpapa-low-key na raw ngayon si Ricci.
Sabi niya, “I'm keeping my circle small, di ba? Kung sino lang yung alam kong andiyan talaga and totoo.
“For sure, sila naman yung totoo ang andidiyan talaga for me.”
Read: Ricci Rivero refutes overlapping allegation of Andrea Brillantes' best friend
May mensahe rin si Ricci tungkol sa umiiral na "cancel culture" ngayon sa social media.
Aniya, "We all commit mistakes, di ba? We all have shortcomings.
"Pero, it's up to us kung paano natin babawiin ito, gumawa tayo ng tama, or kung paano natin ikukorek."