Ikinatuwa ng fans ng Kapuso Queens na sina Marian Rivera at Heart Evangelista ang magandang pahiwatig ng pag-followback nila muli sa isa't isa sa Instagram.
Read: Marian Rivera and Heart Evangelista now follow each other on Instagram
Ito ay matapos ang mahigit isang dekada mula nang magkaroon ng hidwaan ang dalawang aktres sa set ng huling pelikulang pinagsamahan nila, ang Temptation Island (2011).
Read: Three versions of the Marian Rivera-Heart Evangelista feud
Sa unang pagkakataon, nagbigay ng pahayag si Heart tungkol dito nang makapanayam ng press sa Zalora 11.11 Sale Party, na ginanap sa The Lounge at the 5th sa Philippine Stock Exchange Tower, Bonifacio Global City, Taguig, kagabi, November 10, 2023.
Si Aubrey Carampel ng GMA Integrated News ang nagtanong tungkol sa pagbabati nilang dalawa.
Ayon kay Heart, matagal nang nakakausap ng kanyang kapatid na si Camille Ongpauco si Marian at ang asawa nitong si Dingdong Dantes dahil nagkakasama ang mga ito sa school activities ng kani-kanilang mga anak.
Bukod pa rito, mayroon din silang common friends na gumawa ng paraan upang makapag-usap sila.
Kuwento ni Heart, "My sister is... magkasama sila sa community school. So, matagal na silang nag-uusap, and we have a lot of common friends."
Pinili lang muna raw ni Heart, maging ni Marian, na hindi magbigay ng pahayag tungkol dito upang hindi na mabahiran ng isyu ang kanilang pagkakaayos.
Ani Heart, "Hindi lang kami... Ako, hindi ako personally nagpapa-interview, kasi I don't want it to be anything that's for publicity.
"Because something like that should be from your heart."
Sa sumunod na pahayag ni Heart, sinabi nitong marami ring external factors kung bakit natagalan bago sila magkaayos.
"And you know, Marian and I, we've always liked each other. And it's a true testament that, you know, we should always be supporting each other.
"Because real queens support each other."
Dagdag pa ni Heart, "And you know, it's a testament that it's really the people around us that makes things bad.
"To begin with, we've always been okay. Mahal mo siya. Mahal mo ako. Ibig sabihin, okay kaming dalawa as individuals.
"And so, I guess it's just a matter of time."
Patungkol naman kay Marian, sabi ni Heart, "And honestly, I really appreciate her for... she has a very strong character. But I really appreciate her kindness and her... just her heart."
Sa ngayon, masaya si Heart sa pagkakaayos nila ni Marian, at isang bagay rin ang na-realize niya mula rito.
Aniya, "[It's] just nice. I like it. Ayoko na ng kaaway, honestly. And yun nga.
"I guess that's something to remind us [na yung] away natin sa mga ibang tao na nakakasalamuha natin sa buhay natin, sometimes the person's not the real enemy. It's the people around that make it worse.
"So, I'm happy."
May posibilidad naman kayang muli silang magkatrabaho?
"Well, I don't know. Siya kasi... busy din siya. But I think, for me, what's important is, in the real world, we're okay. And that's the real truth."
READ MORE: