Ang Miss Universe connection ng Pilipinas ay nagsimula noong 1952, ang taon kung kelan nagsimula ang prestihiyosong pageant sa Long Beach Municipal Auditorium, Long Beach, California.
Paano kasi, ang kinoronahang kandidata, si Miss Finland Armi Kuusela, ay nakapangasawa ng Pinoy, si Virgilio Hilario.
In fact, hindi niya natapos ang kanyang reign dahil nagpakasal na sila ng businessman noong May 4, 1953, sa Tokyo, Japan..
Matapos ang two-month honeymoon nila sa U.S. and Europe, nanirahan sila sa Pilipinas at nagkaroon ng limang anak.
Eighty-nine years old na si Armi, na nag-asawa ulit nang mabiyuda noong 1975.
Narito ang ilan pa sa mga Miss Universe candidates who strutted their stuff all the way to the hearts of Pinoys.
MISS UNIVERSE CANDIDATES WHOM PINOYS LOVED
gloria diaz
Siyempre, hindi mawawala sa listahan si Gloria Diaz, ang kauna-unahang Pinay na naging Miss Universe noong 1969.
Siya ay 18 years old noon, at naging sikat na aktres matapos makoronahan.
Up to now, madalas pa rin siyang tanungin tungkol sa mga usaping related sa Miss Universe.
margie moran
Si Margie ang nagwagi bilang Miss Universe noong 1973. Siya rin ang napiling Miss Photogenic.
Ang pagkapanalo niya nag nagbigay-daan para sa Pilipinas ganapin ang Miss Universe 1974.
First time na naging host ang Pilipinas, at ginawa sa Folk Arts Theater, Manila, Philippines, ang coronation noong July 21 1974, kung saan kinoronahan ni Margie si Miss Spain Amparo Muñoz.
Many years later, from 2009 to 2019, magsisilbing president si Margie ng Ballet Philippines.
In January 2018, in-appoint siya ni President Rodrigo Duterte bilang member of the Board of Trustees ng Cultural Center of the Philippines, and as cultural agency's chairperson in April 2018.
Dayanara Torres
Hinirang na Miss Universe si Dayanara Torres noong 1993, pero na-in love siya sa Pilipinas, at ganundin ang Pilipinas sa kanya, noong naging pageant host ulit ang bansa in 1994.
Matapos i-relinquish ang kanyang throne, nanirahan siya sa Manila for five years, at naging leading lady, host, dancer, at endorser.
Kahit na noong nanirahan na siya sa U.S., in touch pa rin siya sa mga kaibigang Pinoy.
Ang latest news about her ay tungkol sa kanyang health problem, na ayon sa panayam niya sa Instagram Live ni Pops Fernandez noong April 2020, cancer-free na siya.
Ani Dayanara, "I had melanoma cancer, and it was found out last year. I started treatment for a year, and I thank the Lord and everyone for all the prayers. It’s amazing, the amount of love, support, and prayers that I received....
"I had my last test and everything was negative. I’m done with treatment, it took me a year and then now for the next two years, I’m going to be doing tests every three months just to be safe."
Sushmita Sen
Si Sushmita Sen ang naging Miss Universe noong 1994, kung saan sa Pilipinas ginanap ang pageant at coronation.
Siya ang konoronahan ni Dayanara, at naging katunggali ng pambato ng Pilipinas na si Charlene Gonzalez.
Nagkaroon si Sushmita ng matagumpay na karera sa larangan ng showbiz sa India.
Noong 2017, nabigyan siya ng pagkakataong maging isa sa mga hurado ng 62nd Miss Universe competition, at nagkataong dito ulit sa Pilipinas ginanap ang pageant.
Gabriela Isler
Gabriela Isler was declared Miss Universe 2013.
She is now known as a TV host and a fashion model in Venezuela.
Siya rin ang founder ng charity organization na Universe of Blessings Fund.
Kilala siya ng mga Pilipino dahil nakailang balik siya sa Pilipinas for charity work.
Less than a year after her reign, she was also asked to be one of the judges for Binibining Pilipinas 2014, kung saan kinoronahan si Mary Jean Lastimosa bilang Bb. Pilipinas Universe.
Paulina Vega
As Miss Universe 2014, si Paulina ang nag-transfer ng Miss Universe crown sa Miss Universe 2015 na si Pia Wurtzbach.
Maraming Colombians ang nalungkot dahil hindi kay Miss Colombia 2015 Ariadna Gutierrez napunta ang crown.
Matatandaang binawi ng pageant host na si Steve Harvey ang naunang announcement tungkol sa pagkapanalo ni Ariadna, at kinorek na si Pia ang totoong panalo.
Magpinsan sina Paulina at Ariadna, at nagkaroon pa ng misunderstanding ang dalawa pagkatapos ng pageant.
Ang payo ni Paulina kay Ariadna ay mag-move on na.
Pia Wurtzbach
Pia was crowned as Miss Universe 2015, and has since become the most popular and most followed Miss Universe queen.
To date, meron siyang halos 15 million followers sa Instagram pa lamang.
Siya rin ang may pinaka-memorable coronation sa history ng Miss Universe.
Unang in-anunsiyo ang pangalan niya bilang first runner-up, at matapos koronahan si Ariadna, at saka sinabing si Pia ang Miss Universe 2015.
Nagdiwang ang maraming Pilipino noong araw na yun.
At patuloy ang mataas ang interes ng Pilipino sa kanya noong naging aktres siya, naging in-demand endorser, at naging Mrs. Jeremy Jauncey this year.
Iris Mittenaere
Iris was the crowned Miss Universe when the Philippines became the pageant host in 2016.
Nagpabalik-balik siya sa Pilipinas even after her reign.
Recently, isa sa judges si Iris sa Miss Universe 2023 sa El Salvador, at ikinatuwa ng mga Pinoy ang sinabi niyang kasama ang pambato ng Pilipinas na si Michelle Marquez Dee sa kanyang Top 5.
demi-leigh tebow
Kilala rin siya bilang si Demi-Leigh Nel-Peters, na kinoronahan bilang Miss Universe 2017.
Gaya ni Iris, madalas ding pumunta sa Pilipinas si Demi, na ang recent visit sa bansa ay nito lamang February 2023, ang birthday month niya.
Ang napangasawa niya ay ang Amercan football star na si Tim Tebow, na ipinanganak sa Pilipinas at nagpatayo ng Tebow Cure Hospital, na nag-i-sponsor ng surgeries at Christian care na mga Filipino children na may disabilities.
Catriona Gray
Catriona was crowned Miss Universe 2018.
Like Pia, Catriona has been a well-loved beauty queen.
Nag-iwan siya ng maraming marka noong siya ang kandidata ng Pilipinas. Remember her Lava walk? How about her Lava gown, including her three stars and a sun ear cuff?
In May 2020, Catriona announced her relationship with Sam Milby via Instagram, at isinapubliko rin nila ang kanilang engagement noong February 2023.
They are planning to tie the knot "sometime in 2024."
Harnaaz Sandhu
Harnaaz is Miss Universe 2021, and like other non-Filipina beauty queens, nakailang balik na rin siya sa Pilipinas for charities.
Noong June 2022, dumalo ang Indian beauty queen Miss Universe Philippines coronation night na ginanap sa SM Mall of Asia Arena sa Pasay City.
At habang nasa virtual meet and greet siya with other beauty queens, ito ang payo ni Harnaaz sa Pinay beauty queens:
"The only tip I can give tip to them that I have personally learned when I was competing for Miss Universe is to take care of your mental health, to believe in yourself and trust the process… to work harder, much more harder, by changing your dreams into actions and making it happen."
Kontesera ng beaucons si Harnaaz ever since she was 17 years old.
R'Bonney Gabriel
R'Bonney Gabriel is Miss Universe 2022.
Kandidata siya ng USA, pero nag-cheer ang mga Pinoy sa kanya dahil isa siyang Filipino-American at very proud sa kanyang Filipino heritage.
In fact, Pinay ang kanyang designer—si Rian Fernandez—during her coronation in January 2023 and her farewell walk in November 2023.
