Nagpasaring ba si Miss Universe Philippines 2014 MJ Lastimosa sa dating kaibigang si Miss Grand International founder at owner Nawat Itsaragrisil?
Sa kanyang Instagram kahapon, November 14, 2023, nag-post si MJ ng larawan niya kung saan siya ay nakasuot ng gown at kuntodo make-up.
Siya ang isa mga host ng Hiyas ng Pilipinas 2023 pageant na ginanap sa Cebu.
Sa caption, tila nagparinig siya tungkol sa pagiging "banned."
Sabi niya, “Gandang banned [upside down, sparkle emojis]
“Daghang salamat Cebu! Thank you to the madams of Hiyas ng Pilipinas 2023 and congratulations to the newly crowned queens! [crown emoji]”
View this post on Instagram
Tawang-tawa naman ang netizens at mga kaibigan ni MJ sa kanyang post:
Hanggang ngayon ay hindi pa direktang sinasagot ng beauty queen ang pag-ban sa kanya ni Nawat na magpunta sa events ng Miss Grand International.
Ito ay matapos mapanood ni Nawat ang September 4, 2023 vlog ni MJ kasama ang transgender beauty queen na si Maki Gingoyon.
Dito ay tinanong ni MJ si Maki, “What’s the worst pageant in the Philippines?”
Sagot ni Maki, “Miss Grand.”
Sundot ni MJ, “Philippines or International?”
Tugon ni Maki, “Philippines. And international.”
Sabay silang nagtawanan matapos nito.
Umusok sa galit si Nawat, na isang Thai national, matapos makarating sa kanya ang naturang video.
Sabi nito, hindi siya makapaniwalang lalait-laitin ni MJ ang kanyang inaalagaang beauty pageant na pinuri-puri pa noon ng Pinay beauty queen.
Sa isang TikTok live, binuweltahan ni Nawat si MJ.
Panimula niya, “I met her many times. I'm really friendly and offer her a lot of things.
“She always said, ‘Oh, Miss Grand is number one and the huge production.’
“So, that's why last year she fly, buy her own ticket to Indonesia, and ask me favor the ticket, favor going inside backstage to doing the clip or interview, even interview myself.
“I help her everything because I'm friendly and appreciate in that time because I think if friend it must be better than others.
“So when I went to Manila, anytime we keep calling, we are the good friend and I help her a lot.
“Even this year in Vietnam, she come to Ho Chi Minh, she came to Ho Chi Minh, she came to watch Miss Grand.
"Before she leave from the hotel Rex Hotel at the lobby. I meet her at the lobby before she leave.
"A couple day after coronation night, we say, 'Oh, I love you. I like Miss Grand. Miss Grand is okay, number one.'"
Himutok pa ni Nawat, matapos ang lahat ng kanyang pabor kay MJ, bakit daw ganun ang naging tanong nito sa kanyang vlog. At bakit daw sila tumatawa sa video.
Kaya mula raw noon ay tinapos na niya ang anumang pagkakaibigan nila ni MJ at ng kanyang organization.
Saad pa niya, "I think we are no more, any more relationship in between MJ and our organization and myself.
"Don't come to Miss Grand anymore. Okay? We don't know each other from now.
"I don't want to meet the people like you. It's below standard. It's not sincere."
Noong November 3, humingi ng dispensa ang Virtual Playground Talent Management Agency kaugnay ng sentimyento ni Nawat laban kay MJ.
Ang Virtual Playground ang namamahala sa career ni MJ at siyang producer ng online show nito.
Read: Kampo ni MJ Lastimosa nag-apologize sa Miss Grand International