Usap-usapan ngayon sa social media ang burado nang tweet ni Miss Universe Philippines 2014 MJ Lastimosa tungkol sa experience niya sa panonood ng Margot Robbie at Ryan Gosling film na Barbie.
Sa buradong tweet kasi ng beauty queen-TV host ay tinawag niyang "waley" at "parang school project" lang ang blockbuster fantasy-comedy film.
Read: JulieVer movie, pumatok kaya sa takilya? "Barbenheimer" double winner sa box office
Mababasa sa tweet ni MJ, "Sobrang waley ng barbie movie sayang 600 ko haha!"
Dagdag pa ni MJ, okay naman sa kanya ang ibang eksena sa movie ngunit kung susumahin ay para lamang daw itong "school project."
"Okay naman some parts but in general, mehhh parang school project film," aniya.
Read: MJ Lastimosa replies to basher's "retokada" comment: "Yes, I can afford."
NETIZENS REACT
Kumalap ng samu't saring reaksiyon ang tweet ni MJ mula sa mga netizen na nakapanood na rin sa Barbie. Karamihan sa mga ito ay hindi sumang-ayon sa naging komento ni MJ.
Komento ng isang netizen (published as is), "Anteh almost 200 million yung budget nyan tapos tatawagin mo lang parang school project, eh net worth mo nga sa wala pa sa talampakan ni Margot Robbie."
Saad pa ng isa, "All the Barbie marketing strategies, $145 budget, Greta Gerwig's genius, and etc just to be called "parang school project lang" by @MJ_Lastimosa HAHAHAHA LOL kab*b*han on its finest."
Read: MJ Lastimosa happy sa pagiging guest co-host sa E.A.T.: "It’s a familiar home."
"Hindi mo lang MJ Lastimosa naintindihan ang story ng barbie [laugh in tears emojis] mahina ang kukute mo kasi. Mahina ang english vocabulary mo. hindi mo lang naintidihan ang kwento ng barbie kasi b*ba ka," sabi pa ng isa.
Buwelta naman ng isa, "Mapanira tong si MJ Lastimosa about sa Barbie eh. Kng nde mo gs2 ang barbie movie quiet kana lang. 600 lang lugi mo accla nde ka maghhirap sa 600 pesos. Akala mo nmn kng sino kang best actress makapagsalita! Starlet ka lang nmn accla. Masyado toxic ang bibig mo! malaki na toxic pa."
Dagdag pa ng isang netizen, "Hey, MJ! what part of feminism vs patriarchy, existential crisis, hardships of girlhood/womanhood, inclusivity, female leadership, purpose in life, mother-daughter relationships, & many other points made in barbie didnt you understand? or lahat di mo na-gets?"
Read: MJ Lastimosa ecstatic over Singapore sleepover with Maine Mendoza, Maja Salvador
MJ'S DEFENDS HERSELF
Hindi naman pinalampas ni MJ ang ilang below the belt na komento sa kanya ng netizens.
Ayon sa kanyang tweet kagabi, July 25, 2023, maging siya ay nagulat sa biglaang pagbugso ng mga basher dahil sa pagbabahagi niya ng opinyon.
Ani MJ, hindi naman tamang murahin at pagsabihan siyang b*bo sa pagiging tapat niya sa kanyang napanood.
Mababasa sa kanyang tweet (published as is), "Wait lang naman sobrang online bullying naman agad kayo.
"Nakakatakot naman mag ka opinion dito minumura nako ng iba sa ibang socmed ko only because I did not like a film?
"I liked Little Women and Lady Bird naman, why attack me if I say I didn’t find it as good.
"It’s just my opinion and it has nothing to do about the movie being feminist, which is the only part that I liked, specially the speech of America Ferre, parang dapat nga wala na si Will Ferrell dun."
Wala rin daw siyang tinapakang tao para kuyugin siya ng mga ito.
"Wala akong inapakang tao.
"Natatakot din akong itweet to kasi magagalit nanaman kayo kasi dapat in unison ang opinion naten dito or else bobo na agad kami?"
Dagdag pa niya, "Sorry na agad mga mare kalma na maxado na kayong galit."
Noong July 19, 2023, nagbukas sa mga sinehan sa Pilipinas ang Barbie.
Bukod kina Margot (Barbie) at Ryan (Ken), kasama rin sa cast sina America Ferrera, Dua Lipa, Simu Liu, Michael Cera, Will Ferrell, Kate McKinnon, Issa Rae, at ang Oscar-winner na si Helen Mirren bilang tagapagsalaysay.
Ang Barbie ay mula sa direksiyon ni Greta Gerwig.
Read: 'Barbie,' hindi banned sa Pilipinas; Julie Anne San Jose, daring sa 'The Cheating Game'