Dahil magiging abala na si Claudine Barretto sa kanyang bagong programa sa GMA-7 na Lovers/Liars, na magsisimula sa GMA Telebabad sa November 20, 2023, kailangan na raw ng aktres ng isang secretary at schedule manager.
Dahil dito, nagpatulong si Claudine sa kanyang followers sa Instagram na makahanap ng secretary at schedule manager.
Mensahe niya sa kanyang post sa Instagram noong November 12, “Palanggas could you pls help me find a live in secretary / house and schedule manager. Kindly message me through dm.
“Leave you cellphone number and bio data.. thank you so much, have a nice day.”
View this post on Instagram
Tila hindi naman naintindihan ng isang netizen ang ibig sabihin ni Claudine at nagkomento itong "naghihirap" na raw ang aktres.
Ayon sa netizen, “Nung una apartment ang hinahanap, ngayon secretary. Hala, naghihirap na talaga si idol.”
Sinagot ito ni Claudine.
Naghihirap na raw ba ang isang taong naghahanap ng isang tauhan?
Sabi pa ng aktres, hindi naman masama maging mahirap. Ang masama raw ay ang mag-down ng isang tao.
Buong sagot ni Claudine, “naghihirap agad? Sana naisip mo na nag tratrabaho ako at kailangan may mag ayos ng schedule nung mga bata,bills etc.wala po masama maging mahirap.yung pag isipan ka ng kagaya mo na sumusuporta sakin ba talaga or gusto mo lang mag down ng tao”
Minasama rin ng ilang netizens ang post ng aktres noong October 12 tungkol naman sa paghahanap niya ng isang apartment na malilipatan.
Paliwanag dito ni Claudine, ipapa-renovate kasi ang bahay niya.
Nagpasalamat naman siya sa mga nag-alala.
Ani Claudine, “i clear ko lang po.kailangan namin lumipat dahil ipapa Renovate po yung bahay ko. pagagandahin at mag dadagdag ng mga kwarto kaya d kami pwede dito sa bahay.may parts na ipagigiba. Thank you so much sa inyong lahat.lalo na sa mga nag worry.i luv you all & maraming salamat po [praying hands emojis]”
Read: Claudine Barretto clarifies post about renting a house: “Ipapa-renovate po yung bahay ko.”