Ginulat ni Diego Loyzaga ang TV host-actress na si Toni Gonzaga nang aminin ng aktor na hindi siya naniniwala sa kasal.
Ito'y matapos kumpirmahin ni Toni ang nabasa niyang artikulo tungkol sa pananaw ni Diego noon ukol sa usaping kasal.
Sa eksklusibong panayam ng PEP.ph (Philippine Entertainment Portal) kay Diego, na nailathala noong September 6, 2023, nabanggit niyang hindi pa niya naiisip lumagay sa tahimik.
Ito ay kahit mayroon na siyang kasintahan at anak sa kasalukuyan.
Read: Diego Loyzaga speaks about relationship with mother of his baby
Sa latest episode ng Toni Talks, ang vlog sa YouTube ni Toni, muli inusisa kung bakit hindi naniniwala si Diego sa kasal—na para sa iba ay isang sagradong katibayan ng pagmamahalan ng dalawang nilalang.
Deklarasyon ni Diego: "I don't believe in marriage. It's a piece of paper for me."
Nagulat si Toni sa sinabing iyon ng aktor kaya hiningan niya ito ng paliwanag.
Ayon kay Diego, malaking bahagi ang kinalakihan niyang pamilya at paligid sa naging pananaw niya ngayon tungkol sa pagpapakasal.
Nakita raw kasi niyang madali lang balewalain ng mag-asawa ang pinirmahang dokumento sa kanilang kasal kung sakali man sa huli ay hindi sila magkasundo at magdesisyong maghiwalay.
Si Diego ay anak ng aktres na si Teresa Loyzaga sa dating karelasyon nitong si Cesar Montano. Lumaki ang aktor sa poder ng kanyang ina.
Labintatlong taong gulang na si Diego nang makilala niya ang amang si Cesar.
Read: Diego Loyzaga explains why parents Teresa Loyzaga, Cesar Montano are not on speaking terms
Paliwanag ni Diego, “Kunwari lang, you [Toni] and me, we agree on everything.
"There’s not a spot or piece of line or paragraph that we don’t agree on.
"Absolutely everything. A hundred percent. Crystal clear.
"Why must we now get it written down on a piece of paper and then get someone else to bestow onto us that we are now a married couple?”
Read: Diego Loyzaga, madalas napupuyat dahil sa newborn baby?
Kung hindi raw ikinasal ang mag-partner ay hindi mahirap sa kanilang kumalas sa isang relasyon kung sakali mang hindi na nila gusto at mahal ang isa't isa.
Saad ni Diego, “Ang sa akin lang kasi is, if ever we fight in the future and get to the point na ‘Ayoko na sa yo,’ ikaw galit na galit ka na sa akin.
"It’s not a big matter of having to go somewhere and get annulled, get divorced, though wala tayong divorce [sa Pilipinas].
"It’s because, I guess, growing up, I grew around it so much and I got to see it so much… yung separation.
"Aside from my own parents, even people around me, they're separating.
"Until now, minsan malabo, like, we're just doing it for the kids.
"So why did you have to sign a piece of paper? What do you get in the end?”
Sundot na tanong ni Toni, "What about your kids? Your children?"
Sagot ni Diego, "I don't think a kid would see any difference from a married couple's household and someone who's living together's household.
"You abide by the same rules."
Read: Cesar Montano reveals how fatherhood has changed son Diego Loyzaga
Maaaring sa ngayon ay ganito raw ang pananaw ni Diego ngunit hindi naman niya isinasara ang pagkakataong muli siyang maniwala sa usaping pag-iisang dibdib.
Saad niya, "But then again, Ate Tons, we can talk five years from now, maybe things would be different.
"Puwede pa ring magbago.
"That's the only thing that is actually promised to us—the change."
Dagdag pa niya, "I'd bite my tongue."
"I’m trying to be the most supportive dad"
Pagbabahagi pa ni Diego, hindi aksidente ang pagkakaroon niya ng anak.
Pinagplanuhan daw niya ito kasama ang kanyang partner dahil noon pa man ay gustung-gusto na niyang magkaanak.
Sabi niya, "I don't know, it was just in my bones, like in my DNA, that I felt it that I need to have a kid.
"Parang [noong time na yon], I felt like I needed a kid na.
"I don't want to get too old. Sumasakit na minsan yung likod ko, I'm losing my hair already.
"She was planned. She was a hundred percent planned."
Lahat daw ng pagmamahal at pag-aalaga ay gagawin ni Diego sa kanyang anak para hindi nito kailanman maramdaman ang pakiramdam niya noon na walang kinalakihang ama.
Aniya, "I’m trying to be the most supportive dad I can be for the mom and my baby.
"I promised her to give her the things I didn't have."
Noong June 8, 2023, isinapubliko ni Diego ang kanyang pagiging ama nang i-post nito sa Instagram ang larawan habang karga-karga niya ang anak.
Samantala, hanggang ngayon ay hindi pa rin ipinapakilala ni Diego sa publiko ang kanyang partner.
Read: Diego Loyzaga hints at being dad to baby girl; netizens ask: "Who's the mother?"