Excited na ang Kapamilya actress na si Jane de Leon dahil mapapanood na sa mga sinehan ang kinabibilangan nitong pelikula, ang Shake, Rattle, & Roll: Extreme.
Sa darating na November 29, 2023, ito mapapanod sa mga sinehan.
Read: Shake, Rattle & Roll Extreme uunahan ang mga nakapasok sa MMFF 2023
Isa ang pelikulang ito ng Regal Films sa mga isinumite para sa 2023 Metro Manila Film Festival (MMFF), ngunit hindi ito pinalad na mapabilang sa sampung official entries.
Nitong November 6, 2023, nakapanayam ng PEP.ph (Philippine Entertainment Portal) si Jane tungkol dito.
Aminado si Jane na hindi na rin siya nag-expect na mapapabilang ang kanilang pelikula sa MMFF ngunit umaasa siyang susuportahan pa rin ito ng mga manonood.
Aniya, "We already expected na. So, hindi na rin kami nagulat.
"But at least, maraming nakaka-miss ng Shake, Rattle, & Roll and maraming mag-aabang nun.
"Ako din excited na ako. Sana... Sana, marami pa rin makapanood.
"Even though hindi kami nakapasok sa MMFF, kasi it was a long, long time ago na yung last time na ipinalabas, e.
"And I know naman nasusuportahan yun ng lahat ng mga tao kahit papaano."
Dagdag pa niya, "So guys, bago kayo pumunta sa MMFF, makakaipon pa kayo pero watch Shake, Rattle, & Roll: Extreme first."
Gaganap si Jane bilang si Trina sa "Rage" episode ng nasabing pelikula.
Hindi naman na nagbigay ng detalye si Jane kung ano ang magiging papel ni Trina sa pelikula ngunit sinabi niyang malapit sa kanya ang karakter na ginampanan.
"Si Trina, hindi siya nalalayo sa akin. Breadwinner, sobrang hardworking niya na tao.
"And hindi siya dependent sa ibang tao. And lagi niya inuuna yung ibang tao kaysa sa sarili niya. So, almost the same sa aming dalawa."
Magbabalik-teleserye din kaya si Jane?
Sagot niya, "Soon! Hopefully, next year. Yun pa lang [ang puwede i-share], but more on movies ako ngayon."
READ MORE: