Nagkuwento si Katrina Halili tungkol sa kanyang non-showbiz boyfriend.
Magtatatlong taon na raw sila at nagsimula ang kanilang relasyon noong 2020.
Paliwanag pa ni Katrina, hindi na niya kailangang ipangalandakan ang kanyang special someone dahil hindi naman ito tiga-showbiz.
Pero hindi rin niya idedenay ang boyfriend.
“For me kasi, parang hindi naman kailangang i-open sa public yung relationship, di ba? Hindi mo naman din dapat i-deny,” paliwanag niya sa PEP Live interview noong November 23, 2023.
“Wala naman kaming movie para i-promote. For me kasi, yung private life ko, private life ko yun, e.
“Pero hindi ko ide-deny. Hindi ko rin naman iso-show off…”
Nakikita ba niya ang boyfriend bilang for keeps?
Sagot ni Katrina, “Too early [to tell]… happy naman ako kung siya. Kasi kung siya kasi komportable ka, di ba?
“Yun naman yung importante and yun din naman ang winish ko—parang may companion ako, na hindi ako naiilang, or nagagawa ko pa rin ang gusto ko. Hindi ko binabago ang sarili ko para sa yo. Eto pa rin ako.”
Diretsa rin niyang sinabi kung bakit masaya siya sa kanyang karelasyon ngayon.
“Walang sugarcoating. May companion ka, may kasama ka. Para akong may kapatid, para akong may all-in-one.”
Read:
- Katrina Halili gets help from current boyfriend in taking care of daughter Katie
- Katrina Halili relates how she and John Lloyd Cruz became close friends
POSITIVE INFLUENCE IN HER LIFE
Ikinuwento rin ni Katrina na nagkaroon siya ng katuwang sa pagpapalaki sa kanyang 10-anyos na anak na si Katie.
Si Katie ay anak ni Katrina sa dating karelasyong si Kris Lawrence.
Sabi ng Kapuso actress ukol sa current boyfriend, “Happy ako kasi parang nagkaroon ako ng best friend, nagkaroon ako ng parang guidance din kay Katie.”
Nakita raw ni Katrina ang kanyang boyfriend ay nirerespeto ng kanyang anak.
Aminado kasi si Katrina na hindi madali ang magpalaki ng anak. Kaya ginaya raw niya ang pakikitungo ng boyfriend sa kanyang anak.
“Ginaya ko. Parang dapat ganon pala, ha. Super happy ako kasi ang dami kong natutunan.
“Nae-enjoy ko and di lang kay Katie. Naggu-grow kaming dalawa ng anak ko sa kanya,” sabi ng aktres ukol sa pagiging positive influence ng kanyang boyfriend.