Sharon Cuneta Reveals Split, Reunion with Kiko Pangilinan

Tuluyan nang inamin ni Sharon Cuneta na totoo ang haka-hakang may problemang pinagdaanan ang relasyon nila ng asawang si former Senator Kiko Pangilinan.

Sa kanyang Instagram live nitong January 1, 2024, kasama ang kanyang mister, mga anak na sina Frankie, Miel, at Miguel, kinumpirma ng Megastar na totoong nagkahiwalay sila panandalian ni Kiko ngunit muli ring nagkabalikan.

Ngunit bago ang kanyang pag-amin, binati muna nina Sharon, Kiko, at kanilang mga anak ang mga manonood sa kanilang IG live.

Mensahe ni Sharon, "We just wanted to give a very special greeting to all of you on this very special New Year's eve.

"Happy New Year everyone. I'm with my family.

"We're fine and we love you.

"We wish for all of us and all of you out there all of God's mighty blessings, loving blessings.

"We claim them all, not just for our family in each of us, but all of you."

Maging si KC Concepcion, ang panganay na anak ni Sharon sa dating asawa na si Gabby Concepcion, ay binati rin nila.

Read: KC Concepcion on unfollowing stepad Kiko Pangilinan and half-sister Frankie: "I unfollowed but I will never unlove. Family is family."

Matapos nito ay ipinagtapat ni Sharon ang mga makahulugang post niya sa social media kamakailan.

Aniya, totoo ang hinala ng kanilang mga tagahanga na nagkaroon sila ng hindi pagkakaunawaan ni Kiko.

Dumating din daw sa puntong panandalian silang nagkahiwalay ngunit sa huli ay pinili pa rin nila ang isa't isa.

Mangiyak-ngiyak na pahayag ni Megastar, "Every post I made was just to show you when I was sad.

"And then, of course, like everyone else, that's normal.

"After sadness, we fix some things and then we become happy.

"I don't know why so many people are so mean.

"For the record, ain’t nothing wrong with any of our brains.

"We're good. We're normal. We just got some emotions because we’re real people."

Sundot na saad ni Kiko, "Sabi ko nga, lahat ng pamilya, lahat ng mag-asawa, nangyayari ang tampuhan.”

Dagdag ni Sharon sa sinabi niya: "Nag-away kami, naghiwalay kami, tapos nagbati na kami.

"So, okay na kami, okay?

“That’s the meaning of all the messages I posted, but I’ll clarify, the quotes, all the other posts were for people close to me that I think needed those posts.

"So, you always assume."

Noong huling linggo ng December 2023, umugong ang espekulasyong hiwalay na sina Sharon at Kiko dahil sa mga cryptic post ng actress-singer sa social media.

Mas lalo pang nagliyab ang tungkol sa kanilang pinagdaraanan nang i-post ni Sharon ang litrato ng kanyang pamilya na putol ang ulo ni Kiko.

Read: Sharon Cuneta dispels rumored breakup with Kiko Pangilinan: “Nagtatampo ako pero okay kami.”