Kinumpirma ng Philippine Charity Sweepstakes Office (PCSO) na tinanggap na ng isang babaeng taga-Ligao, Albay, ang kanyang nakakalulang premyo matapos manalo sa lotto three days bago sumapit ang New Year.
Siya ay isang public employee.
Ang napalunan niya ay PHP571 million sa 6/58 draw noong December 29, 2023.
“This morning, she claimed the prize, accompanied by her brother,” ani PCSO Acting General Manager Atty. Lauro Patiag sa ipinatawag niyang presscon nitong January 2, 2024.
Pagbubunyag pa ni Patiag, "second time in her whole life" pa lamang para sa winner ang pagtaya niya ng lotto.
Gayunpaman, suki raw siya ng Scratch It games ng PCSO for four years.
“Talagang doon siya palagi tumataya,” ani Patiag.
Tumaya umano ang babae for PHP40, at parehong lucky pick ang number combinations.
"Very lucky talaga,” ani Patiag.
Ang winning combination ay 19-35-25-42-58-05.
Ipinaliwanag ni Patiag kung paano nangyayari ang lotto lucky pick: “The machine will choose the numbers for you.
“If you have no chosen number or favorite number combination, you can immediately ask the teller, lucky pick, and will release immediately by the machine, let’s say, computer-generated combinations…”
Nausisa rin ang abogado kung ano ang pakiramdam ng jackpot winner nang i-claim nito ang kanyang napanalunan.
Sabi ni Patiag, “I think it’s more of concerned about her security, because this is something. The prize is really that big.
“She was really nervous. In fact, medyo nangigilid na yung luha niya. She really wanted to finish to claim the prize immediately.”
Read:
- Bettor wagi ng PHP147M jackpot sa "lucky pick" combination
- 35-year-old bettor wins PHP15.8M lotto jackpot through lucky pick
"TOTOO ANG LOTTO"
Sa PCSO FB page ay inilathala naman ang ilang pahayag ng female winner.
"Ang masasabi ko lang sa mga nagsasabi na hindi totoo ang mga nanalo sa lotto ay nagkakamali po kayo," anito.
"Kailangan niyo tumaya para malaman niyo na totoo ang lotto."
Ibinahagi rin ni Patiag sa presscon na ang main concern ng winner ay kung paano ibabahagi ang kanyang premyo sa apat na anak.
Pinayuhan umano siya ni Patiag na sumangguni sa isang financial adviser.
Itinaas ng PCSO ang jackpot prize para sa 6/58 at 6/55 noong December 16, 2023—more than PHP500 million—para sa “Handog Pakabog” promo ng ahensiya nitong nakaraang Pasko.
Samantala, sa ilalim ng TRAIN Law, ang prized money na higit PHP10,000 ay kakaltasan ng 20% tax. Automatic itong ikakaltas sa total prize ng nanalo ng premyo.