Ikinasal na si Valeen Montenegro sa kanyang non-showbiz boyfriend na si Riel Manuel kahapon, January 12, 2024.
Read: Valeen Montenegro now engaged to non-showbiz boyfriend Riel Manuel
Base sa mga larawang ibinahagi ng kanyang invited guests—kabilang na sina Ashley Rivera, Sid Maderazo, at Carla Abellana—makikitang naging masaya ang seremonya ng kanilang pag-iisang dibdib.
Sa Sanctuario de San Antonio Parish sa Forbes Park, Makati City, ginanap ang church wedding.
Mukhang sa Manila Peninsula Hotel naman ginanap ang kanilang wedding reception base na rin sa post ni Sid.
Na-engage ang Kapuso actress na si Valeen kay Riel noong November 27, 2022.
Base sa naunang panayam kay Valeen sa Updated with Nelson Canlas podcast, nasa advertising industry Riel.
Saad niya, “Sa mga hindi nakakaalam, ang aking boyfriend ay isang DOP, director of photography sa advertising world. Meron kaming baby dog. Baby dog.”
Biro pa niya noon, naghihintay na lamang siya kung kailan magpo-propose si Riel sa kanya.
“So parang nandoon na, pa-climb na kayo ng stairs na alam niyo kung saan din naman papunta. So I'm waiting, charot. Waiting.”
Bago ito, ang huling napabalitang boyfriend ni Valeen ay si Selu Lozano, isang Filipino-Spanish trainer and football player.
Read: Valeen Montenegro says relationship with non-showbiz BF unaffected by previous third-party issue