Ipinakilala na sa publiko ang star-studded cast na makakasama ni Piolo Pascual sa upcoming teleserye ng ABS-CBN ngayong 2024, ang Pamilya Sagrado.
Bukod kay Piolo, kasama rin niyang bibida sa Pamilya Sagrado sina Kyle Echarri at Grae Fernandez.
Sa ginanap na storycon ng Dreamscape Entertainment noong January 16, 2024, ipinakilala rin ang mga batikang aktor at aktres na makakasama ni Piolo sa kanyang comeback teleserye.
Kabilang dito sina Tirso Cruz III, John Arcilla, Aiko Melendez, Mylene Dizon, Rosanna Roces, at Shaina Magdayao.
Read: Piolo Pascual, pinagtawanan ang balitang buntis si Shaina Magdayao
Kasama rin sa cast ang young stars na sina Jeremiah Lisbo, Daniela Stranner, Alyanna Angeles, River Joseph, Iana Bernandez, Mark Manicad, Valentino Jaafar, Micaela Santos, Austin Cabatana, Dustine Mayores, JC Galano, Rocky Labayen, John Joven Uy, at Ron Angeles.
Maging ang former Kapuso stars na sina Miggs Cuaderno at Emilio Daez ay kabilang din dito.
Read: Anne Curtis, Joshua Garcia, Carlo Aquino to star in PH adaptation of It’s Okay Not To Be Okay
Sabi ni Piolo sa panayam niya sa TV Patrol, iikot ang istorya ng Pamilya Sagrado sa isang pamilyang punung-puno ng pagmamahal.
Saad niya, “As the title suggests, it’s about a family. Pamilya Sagrado is our family.
"It will discuss about fraternities and brotherhood. What will prevail — love, loyalty or justice?”
Excited daw si Piolo na gawin ang Pamilya Sagrado dahil ibang-iba ito sa mga serye at pelikulang nagawa na niya noon.
“It’s very complex. As much as we want to share it already, this is the first time that we all got together and pinresent yung buong story.
"I’m excited for our audiences because aside from it being new, something different, it’s really exciting, it’s good for the times, and it’s very now.
“So, maraming kapupulutan ang audience natin for sure at magru-root sila sa characters na magugustuhan nila.
"And ang laki ng cast so I’m just really excited."
Ano naman kaya ang nagpapayag kay Piolo na tanggapin ang proyektong ito?
Sagot niya, "Yung concept niya, actually. Kasi as an artista, naghahanap tayo ng bago, something na matsa-challenge sa craft mo, sa trabaho mo, at ito yun.
“The first time it was pitched to me, I said yes right away because you can never go wrong with Dreamscape and what more with ABS-CBN."
Ang Viu series na Flower of Evil noong 2022 ang huling teleseryeng ginawa ni Piolo sa ABS-CBN, kung saan dito ay katambal naman niya si Lovi Poe.
Read: Piolo Pascual tags himself "Most Promising Old Actor" for saying "yes" to all offers
Samantala, habang isinusulat ang artikulong ito ay wala pang ibang detalye kung anu-anong karakter ang gagampanan ng cast na makakasama nina Piolo, Kyle, at Grae, at kung kailan ito mapapanood sa prime time.