Kinumpirma ng US-based social media influencer na si Chris Punsalan na pumanaw na ang kanyang lola, na kilala sa videos ni Chris bilang Grandma.
Nagsimulang mag-viral ni Chris noong 2022 dahil sa kanyang “a day in the life” content na nagpapakita kung paano niya alagaan ang kanyang lolang si Anicia Santos Manipon.
Ang lola ni Chris ay public school teacher noon.
Read: Viral sa TikTok na lola, 97, may makulay na kuwento
Maraming Filipino netizens ang naka-relate sa desisyon ni Chris na mag-full-time caregiver sa kanyang lolang may karamdaman.
Kahapon, January 29, 2024, kumalat sa social media ang pamamaalam ng lola ni Chris.
(Many Filipinos are touched by Chris Punsalan's decision to be his grandma's full-time caregiver)
Sa social media naglabas ng opisyal na anunsiyo si Chris ngayong January 30.
Post ni Chris (published as is): “my heart is broken. grandma fought so hard and lived such a fruitful life.
“i’m relieved that she can finally rest and she’s in better hands than we could’ve ever provided. i love you forever grandma.”
Kalakip nito ang Bible verse na John 14:1-4: “Don’t let your hearts be troubled. Trust in God, and trust also in me. There is more than enough room in my Father’s home. If this were not so, would I have told you that I am going to prepare a place for you?When everything is ready, I will come and get you, so that you will always be with me where I am. And you know the way to where I am going.”
PINOY INFLUENCER known FOR BEING his lola's CAREGIVER
Tubong Pampanga, nag-migrate ang pamilya ni Chris sa Nevada, USA.
Taong 2015 nang pag-usapan ng kanilang pamilya kung dadalhin sa senior care si Grandma o kukuha ng full-time caregiver.
Nagboluntaryo si Chris na siya na siya na lang mag-alaga sa kanyang lola, na siyang nagpalaki sa kanya.
Di nagtagal, nagsimulang mag-viral ang mga “a day in the life” videos ni Chris na ipinapakita ang araw-araw na pag-aalaga sa lola: pagpapakain, pagbubuhat, pagpapaligo, at pakikipag-usap.
May osteoporosis din kasi si Grandma.
Sabi ni Chris sa isang interview: “She took care of me, and I would hate to see her go to home care, which is where I feel most grandparents go in America."
Marami ang naantig sa desisyon ni Chris, na naging vocal din sa paglalahad ng mga hirap at pagsubok ng pagiging full-time caregiver.
(Chris confirms death of her grandma via social media post)
Isang musician at streamer si Chris, pero ang mga videos niya kasama ang lola ang mga tinangkilik.
Bumuhos ang simpatya at pakikiramay ng followers ni Chris na nalungkot sa pagpanaw ni Grandma.