A superstar in the making.
Promising ang future ni Liza Soberano sa Hollywood, kung pagbabasehan ang pahayag ng American filmmaker na si Joe Russo (not the Avengers director).
Ang prediction na ito ng direktor ay sinang-ayunan mismo ng lead star ng pelikulang Lisa Frankenstein, kung saan kabilang si Liza.
Read: Liza Soberano channels "Tumblr girl angst" in 26th birthday photos
Ang Lisa Frankenstein ay upcoming American comedy-horror film na pinagbibidahan nina Kathryn Newton at Cole Sprouse.
Co-starring at introducing dito si Liza.
Si Kathryn ang gumanap na anak ni Antman sa Antman and The Wasp: Quantumania (2023), habang si Cole ay kilalang American TV and film actor.
Kahapon, Huwebes, February 1, 2024, nakaagaw ng pansin ng netizens ang retweet ng local film director na si Erik Matti.
Ang ibinahagi niyang tweet ay mula kay Joe Russo, isang American filmmaker at producer.
Walang dudang nakuha ni Liza ang atensiyon ng American director.
Tweet ng filmmaker: "Movies like LISA FRANKENSTEIN can be great vehicles to break new stars, and @zeldawilliams and Diablo Cody found a superstar in Liza Soberano, who steals every scene she’s in as Lisa’s step-sister, Taffy.”
Read: Enrique Gil says he and Liza Soberano are still together
Hindi nakapagtatakang daan-daang likes agad ang natanggap ng tweet ng direktor na nagdirek ng blockbuster hits na pinagbidahan ng maraming big Hollywood stars.
Ang tweet naman na ito ni Joe ay sinagot ni Kathryn Newton, na siyang gumanap bilang Lisa Frankenstein.
All caps niyang sagot, “YES SHE DOES,” na sinundan ng limang star emojis at may karugtong na “I [heart] Liza”
Na-excite naman ang supporters ni Liza sa nakuhang papuri ng kanilang idolo mula sa kilalang film director at co-star.