Matindi ang pinagdaanan ni Snooky Serna habang nagsu-shoot ng pelikulang Inagaw Mo Ang Lahat Sa Akin (1995) sa Pagudpud, Ilocos Norte.
Dumaan siya sa bintana para makaiwas sa mga showbiz reporter na nag-set visit sa location shoot ng nasabing pelikula na nagtatampok din kina Maricel Soriano, Robert Arevalo, Armida Siguion-Reyna, Tirso Cruz III, at Eric Quizon.
“Si Eric ang naging savior ko dun,” pagtatapat ni Snooky sa finale mediacon ng Kapamilya teleseryeng Pira-Pirasong Paraiso noong Enero 17 sa ABS-CBN Compund, Quezon City.
“For lack of a better word, si Eric ang parang… siguro, hindi ako magsu-survive dun kung wala si Eric Quizon.
“Si Eric ang pinakamabait talaga sa akin doon.”
Ang nagdirek ng naturang pelikula ay si Carlitos Siguion-Reyna. Iprinodyus iyon ng Reynafilms.
Read: Snooky Serna admits insecurities during height of rivalry with Maricel Soriano
ERIC QUIZON ON FRIENDSHIP WITH SNOOKY SERNA
Gusto ni Snooky na mainterbyu si Eric Quizon para sa kanyang YouTube vlog.
“Kami ni Kookie talaga, we became very good friends,” lahad ni Eric nitong Pebrero 13, Martes ng hapon, sa opisina ng Brightlight Productions sa Samar Avenue, Quezon City.
“Kasi isa si Snooky sa parang naging love team ko, e, sa Regal. When I started doing movies with Regal, si Kookie talaga yung pina-partner sa akin.
“However, nung time kasi namin, lahat kami pina-partner sa lahat, e. Lahat yun, naging ka-partner ko.
“Pati si Ate Vi [Vilma Santos], naka-partner ko. Si Marya, si Alice Dixson naging ka-partner ko. Si Ruffa [Gutierrez], si Aiko [Melendez], si Carmina [Villarroel].
“Kumbaga, sa Regal kasi, parang nagiging ka-partner mo lahat. Parang ganun, e. Parang tinitingnan nila kung sino yung mga bagay.”
Maliban sa Inagaw Mo Ang Lahat Sa Akin (1995), nagkasama sina Snooky at Eric sa mga pelikulang Rosa Mistica (1988), Mga Kuwento ng Pag-ibig (1989), Hahamakin Lahat (1990), at Madonna… Babaeng Ahas (1991).
Dagdag ni Eric, “Kookie and I were very close. It just so happens na… siyempre nung mga time na yun, may mga kanya-kanya kaming ginagawa.
“And then nag-venture na nga ako sa mga TV. So, hindi ako masyado na… kumbaga parang close ako sa mga nakakasama ko…
“However siyempre, sa industriya kasi, depende kung sino ang mga nakakasama mo, e, nang parati.
“Kami ni Kookie kasi, we became very close kasi marami kaming pelikula na ginawa na magkakasunod.”
ERIC ON SNOOKY'S ENDEARING TRAITS
Nagkaproblema ba siya sa pagiging “Bagalia” o “Pagong” ni Snooky noong mga panahong iyon?
Natigilan sandali si Eric, “Well… alam naman niya yun. But si Kookie naman kasi, pagka late siya, talagang ‘I’m so sorry, Eric.’ Maano naman siya.
“At saka ang inaano naman namin, ang ginagawa ng mga directors, kapag wala pa si Kookie, inuuna muna ang mga shots namin.
“But ano kasi, si Kookie kasi, malambing. So, maski anong galit mo sa kanya, mawawala yon.
“So, maski anong inis mo sa kanya, pag dumating na siya, ‘I’m so sorry, ganyan-ganyan.’ Malambing si Kookie, e. Sobrang lambing.
“I think that’s one endearing ano of Kookie. Na malambing siya, respectful, magalang. At saka walang sugarcoating.
“Basta kung ano yung nararamdaman niya, kung ano yung… very open siya. I think siguro, naging open din siya with me, kasi nga, parang nasasabihan niya ako ng mga problema niya.
“Tapos naging close din kasi ako kina Tita Mila [Ocampo, namayapang ina ni Snooky]. Naging close din ako kina Tita Mila.
“Kumbaga parang… hindi ko ano, pero parang love kasi ako ng mga mommy. Ha! Ha! Ha! Ha! Love ako ng mga nanay, parang ganun.
“So, yung mga nanay ng mga nakaka-partner ko, parang gusto nila, ako ang partner palagi ng mga anak nila.
“Parang ganun, e, nung time namin, ha?”
INAGAW MO ANG LAHAT SA AKIN SHOOTING
Masyado ba talagang down na down si Snooky noong nagsyusyuting sila ng Inagaw Mo Ang Lahat Sa Akin sa Pagudpud?
Maricel Soriano (left) and Snooky Serna (right) confrontation scene, with Eric Quizon and Armida Siguion-Reyna in the background, in Inagaw Mo Ang Lahat Sa Akin.
“Well, kasi kumbaga, nung time na yun, matagal ko nang hindi nakakatrabaho si Kookie,” salaysay ni Eric.
“Then she got married, di ba? So, may mga ganun nang… nagkaanak na siya, nagkapamilya na siya.
“And then, all of a sudden, magkakasama kami ulit sa isang pelikula, which is exciting.
"Kasi ako, si Marya, si Kookie, tapos si Tirso. E, nagkasama na kami sa mga pelikula sa Regal.
“So siyempre nung time na yun, nung magkakasama kami, of course we were all excited.
“Siyempre in the beginning, hindi naman namin alam na merong pinagdadaanan si Kookie. Na at that time, she was really down.
“And then slowly, siguro I think dahil nga we were… hindi pa uso ang lock-in nun, pero pag sa Reynafilms, para kaming naka-lock-in, e.
“So imagine we were in Pagudpud, which is like what, 12 hours away from Manila. So, malayo kami sa kabihasnan. Nasa beach lang kami.
“Tapos ang pinakamalapit sa amin is Laoag. Laoag is about an hour and a half away. Dun lang merong kumbaga parang sibilisasyon nung time na yun.
“Hindi ko naman sinasabing ano, but very remote kasi at that time ang Pagudpud. As in pag bumibiyahe ka sa highway, walang tao talaga. Walang mga establishments.
“Malayo talaga ang pupuntahan mo. So, nung time na yun, of course we were all wondering…
“So siyempre si Kookie, parang pag kakain kami, hindi siya sumasama sa amin.
“And then of course, siyempre pag magkaeksena kami, dahil ang role namin, mag-asawa, e.
“So, of course, siyempre pagka ang role niyo mag-asawa, we have to immerse ourselves na parang maging close kami.
“And kami ni Kookie, hindi mahirap gawin yun. Kasi nga, naging close na kami before dahil marami nga kaming pelikulang ginawa.
“So, kumbaga, madaling nagkaroon kami ng attachment ni Kookie right away dun sa pelikula.”
SNOOKY'S CHARACTER
Silang dalawa ni Snooky ang magkasama sa maraming eksena sa pelikula.
Pagsisiwalat pa ni Eric, “Doon sa pelikula na iyon, maraming takot si Kookie, e, sa pagbalik sa pamilya niya.
“So somehow I think, at that time, Kookie was able to relate to the character.
“That’s why nakita naman natin, ang ganda ng performance talaga ni Kookie sa pelikula na iyon.
“And nang makita namin ang finished product, talagang lahat kami talagang nagalingan kami kay Kookie.
“Kasi it was parang a different Snooky Serna, ang nakita natin dun sa pelikula na yun.
“And of course si Marya, alam naman natin si Marya, ahhh Marya, pagka nagbigay iyan, alam mo kung ano yung ibibigay ni Marya.
“It just so happens na this time, it was a different Snooky Serna. That’s why I think, na-notice si Kookie sa pelikulang ito.
“And then, yun na nga, gaya nga ng sinabi ko, dahil kami Kookie palagi ang magkaeksena, kami parati ang nag-uusap.
“So, parang nahihingahan niya ako ng mga problema niya at that time. Pero ako, I wasn’t really trying to be her savior.
“I was just there being a friend, di ba? And being her partner in the movie.
“So, kumbaga parang naka-relate ako sa pinagdadaanan niya. And somehow... wala.
“Through usap lang kami ni Kookie ang nangyayari. Usap, I always check on her. How is she, how is she doing.
“Sometimes we had to stop shooting because she’s going through something.
“So, ang hirap lang talaga nung sitwasyon ni Kookie nung time talaga na yun.
“Na even us, talagang we all tried our best to help her. Hindi lang ako. I think Marya was there also.
“Tita Midz was there. Si Lolo Pip was there. Andun kami talaga na… it just so happens na nasa remote area kami, e.
“So, nagkaroon talaga kami ng chance ni Kookie na, kumbaga, parang mag-bond. Parang ganun, e.”