Tinatawanan na lang ni Heart Evangelista, 39, ang sigalot nila noon ng mga magulang niya na sina Rey at Cecile Ongpauco humigit kumulang isang dekada ang nakararaan.
Sa interbyu niya para sa GCash Spotlight noong February 8, 2024, na dinaluhan ng PEP.ph (Philippine Entertainment Portal) at piling press, hindi inilihim ni Heart na madalas niyang nakakabangga noon ang mga magulang dahil sa kanyang love life.
"They were never supportive of my love life noon," natatawang hirit ni Heart.
Sabay bawi niya, "But I understand why!"
Read: Heart Evangelista on past arguments with husband Chiz Escudero: "Before, walkout talaga ako."
WHAT HEART LEARNED
Aminado si Heart na maraming beses na nagkasamaan sila ng loob ng kanyang mga magulang.
Pero diin din niya: "I used to be very angry and say, 'Dapat ganito. Pinalaki akong ganito.' Ang dami kong angst.
"But at the end of the day, after all of the things that I had to go through, it all makes sense now.
"I'm happy. I'm very blessed.
"I wouldn't change my parents if I were given a chance, ever, the good and the bad."
Natutunan daw niya na ang pamilya niya ang makakatanggap sa kanya nang buong-buo.
"Family for me is everything. Before [there were many] trials and tribulations.
"But when you are faced—I'm sure everybody has their share of experiences—you always go back to your family.
"Because at the end of the day, they are the only ones who will know your heart.
"Even if sometimes you forget your heart, they will remind you."
Mabuti na raw na "harsh" truth ang ilapag ng pamilya sa kanya, dahil alam niya na para raw iyon sa kabutihan niya.
"So, talagang mawala na lahat, wag lang yung family," diin pa ni Heart.
Sinabi rin ni Heart sa interbyu na nasa U.S. ang ama niyang si Rey dahil "he went through a little hiccups."
Nasa U.S. din ang kapatid ni Heart na si Camille, pero umuwi ito para sa renewal of wedding vows nina Heart at Chiz noong February 15.
Pati si Cecile, na nakabase sa U.S., ay dumalo rin sa okasyon at siya pang naghatid sa altar sa anak.
Read: Heart Evangelista's mom Cecile Ongpauco walks her down the aisle
HEART'S PARENTS DISAPPROVED OF CHIZ
Hindi kailang mahigpit na tinutulan nina Cecile at Rey ang relasyon nina Heart at Senator Chiz Escudero noong magkasintahan pa lang ang mga ito.
March 2013 nang nagpatawag ng presscon si Cecile at nagbantang idedemanda ang senador dahil sa diumano'y pagmamanipula nito kay Heart.
Read: Cecile Ongpauco on Senator Chiz Escudero: “I simply wish he could find someone his own age.”
Mariing itinanggi naman ni Heart ang mga paratang na ibinabato ni Cecile laban kay Chiz.
Pero hanggang sa ikasal sina Heart at Chiz ay hindi dumating ang mga magulang ng aktres.
Read: Heart Evangelista cries over father's letter on her wedding day
Kalaunan, pagkatapos maikasal ni Heart, tinanggap na rin ng mga magulang niya si Chiz.
Noong 2021, nagpagawa pa ng bahay sa Sorsogon, probinsiya ni Chiz, ang ama ni Heart na si Rey.
Noon ding taong iyon, nagkaharap-harap sina Heart, Chiz, at Cecile sa vlog ni Heart, at sinabi roon ni Cecile na gusto niya si Chiz para kay Heart dahil "you don't stunt her growth."
Read: Heart Evangelista's mom calls past rift with Chiz Escudero a "nightmare"
Noong 2022, isa rin si Cecile sa mga nanalig na magkakaayos sina Heart at Chiz sa gitna ng pinagdadaanang marital problem ng couple noon.
Read: Cecile Ongpauco reacts to rumored marital problem of daughter Heart Evangelista and Chiz Escudero