Nakiisa ang libu-libong netizens sa paghayag ng #justicefordrshaibarroquillo para kay Dr. Sharmaine Barroquillo, 28, na naging biktima ng "motorcycle-riding-in-tandem attack" sa national highway ng Buluan, Maguindanao.
Sa pamamagitang ng Facebook post, inilahad ng ama niyang si Oliver Barroquillo ang dinanas ng anak sa gitna ng malagim na pangyayari.
“Shai displayed remarkable resilience and presence of mind,” bahagi ng post ng ng ama ni Shai na si Oliver.
“Even after sustaining three gunshot wounds, she managed to evade her assailants and drive continuously.”
Read: Lugar na most-viewed photo in history, ano na ang itsura ngayon?
Gabi ng February 3, 2024, nagmamaneho si Shai mula Davao patungong Sultan Kudarat Provincial Hospital, kung saan siya nagtatrabaho.
Hinarang umano siya ng tatlong lalaking nakaangkas sa motor, at pinaputukan ng baril.
Pero hindi huminto ang doktora at dire-diretso lang ito sa pagmamaneho.
Hinabol siya ng mga suspek, at pinaputukan ng tatlong beses. Tumama ang mga bala sa "left shoulder and lower back that penetrated her spinal cord."
Sa kabila ng mga gunshots siya, nakaabot siya sa Buluan District Hospital, pero bago tuluyang nawalan ng malay, nakatama siya ng isang traysikel na may tatlong pasahero at isang bahay malapit sa kalsada.
Isinugod ng mga nakasaksi ang doktora sa isang ospital sa Maguindanao del Sur, subalit inilipat din siya sa isa pang ospital na di pinangalanan para sa kanyang proteksiyon.
Himutok ng ama dahil sa sinapit ng anak, “As a father, I passionately seek justice for my daughter who together with my wife, raised her to become a responsible and passionate human being.
“It pains us to see her suffering and experience the world’s cruelty when as parents, we only wanted her to reach her dreams and significantly contribute to society.”
Read: Buying an engagement ring? Here are things to consider
UPDATE ON DR. SHAI BAROQUILLO
Sa isang follow-up post nitong February 18, 2024, may karagdagang impormasyon siya tungkol sa sinapit ng doktora noong gabing iyon.
Binanggit ni Oliver na base sa kuwento ng kanyang anak, naging hadlang sa kanyang pagtakas ang masamang lagay ng kalsada at trapiko noong gabing iyon.
Post ni Oliver: “The unmanaged traffic conditions in the area added another layer of complexity to the harrowing incident my daughter, Shai Barroquillo, endured.
“The chaos on the roads played a significant role in exacerbating her already traumatic experience.”
Malinaw sa post ni Oliver na nagising na ang kanyang anak, na ang una raw tinanong ay ang nabangga niyang traysikel.
Pero klaro raw kay Shai na nasa tamang lane siya.
“Shai did not intentionally collide with the tricycle parked in the middle of the road," post ng kanyang ama.
“In fact, she recalled with clarity that she was in her rightful and proper lane.
“The circumstances surrounding the incident were beyond her control, as her gunshot wounds had compromised her ability to fully manage her lower extremities and step on her car’s brake pad.”
Sinabi rin ni Oliver sa kanyang post na ang traysikel ay “recklessly parked in the middle of the lane.”
Read: Love in the Workplace: Arvin and Dianne Dizon's journey from colleagues to couple
TWO SUSPECTS SURRENDERED
Sa nasabing post, nanawagan ni Oliver ng hustisya para kay Dr. Sharmaine Ceballos Barroquillo.
Sana raw ay matugis at mahuli ang mga taong sangkot sa pamamaril sa anak.
Nanawagan rin siya sa LGU at mga kapulisan na i-address ang "peace and order" sa lugar, umapela na magkaroon ng budget para sa maayos na kalsada.
Aniya, "We also implore government agencies to collaborate in addressing the rampant issues of killings and robberies in the area. Specifically, we appeal to the LGU and peace and order council to prioritize programs and budgets for road safety, urging them to repair roads, install solar lights and CCTV, and increase and maximize support for crime prevention efforts in the local PNP and AFP. It is our prayer that no other families will experience similar pain and devastation that we feel right now because the pain is UNFATHOMABLE."
Sa pinakahuling update, sinabi ng kapulisan na sumuko ang dalawa sa tatlong suspek noong February 15, 2024.
Sa ulat ng GMA Integrated News, sumuko ang isang suspek sa Brgy. Poblacion, Maguindanao del Sur matapos mangyari ang krimen.
Ang isa pang kasamahan nito ay sumuko sa Brgy. Pandag, matapos umanong umamin siya sa pamilya tungkol sa nagawang krimen.
Ayon sa pulisya, ang tinitingnan nilang motibo ay attempted murder na nag-ugat sa attempted robbery.
“Even the surrender of two persons of interest, hindi naka-close ang investigation, kasi kailangan din nating i-verify kung totoo na sila nga yung may gawa,” saad naman ni Attorney Cyrus Torreña, provincial administrator ng Maguindanao del Sur.
Patuloy rin ang imbestigasyon lalo pa at ang isa sa suspek ay menor de edad.
Sinabi rin ng pulisya na nagsasagawa na sila ng manhunt operation para sa ikatlong suspek na sangkot sa iba’t ibang robbery-murder cases sa mga kalapit na lungsod.
Pinaigting na rin umano ang safety and security sa lugar na pinangyarihan ng krimen.
Nagkaroon rin ng memorandum of agreement ang LGUs ng South Cotabato, Sultan Kudarat, Maguindanao del Norte, a tNorth Cotabato para ma-address ang mga ganitong motorcycle attacks.
Binigyan rin umano ng additional security ng kapulisan sa Maguindanao del Sur ang pamilya ni Shai.