Ikinuwento ni Janice de Belen ang paghingi ng paumanhin sa kanya noon si Sharon Cuneta dahil kay Gabby Concepcion.
Si Gabby ang “first love” ni Janice. Nagsimula ang kanilang relasyon noong 1982.
Nang magkahiwalay sila, nagkamabutihan naman sina Gabby at Sharon.
Nagpakasal sila noong 1984, pero nauwi rin sa hiwalayan ang kanilang pagsasama. Anak nila si KC Concepcion.
Pagbabalik-tanaw ni Janice, on public television pa humingi ng tawad sa kanya noon ang Megastar.
Ibinahagi ito ni Janice sa YouTube vlog ni Snooky Serna noong February 17, 2024.
Sa vlog, nabunot ni Janice ang pangalan ni Sharon sa “pick-a-name” game ni Snooky. Ikinuwento ni Janice ang past nila ni Sharon.
“Siyempre, nagkaroon kami ng konting issue because of Gabby.
“Nung natapos na rin kami ni Gabby, parang tapos na rin yon,” sabi ni Janice tungkol nang sa hiwalayan nila ni Gabby.
Sabi naman niya ukol kay Sharon, “Okay naman kami. I mean, we see each other, we’re fine, we’re okay, we have no problems.
“And I remember, si Sharon actually apologized on TV, na nahiya ako kasi parang feeling ko, sobrang liit na bagay para mag-apologize siya.
“But she did apologize. Na-appreciate ko yon.
"Pero nahiya ako doon kasi hindi ko alam kung bakit kailangan niyang mag-apologize, wala naman iyon.
“But, you know, we’re okay. We’re okay,” diin ng aktres.
Read: Kristine Hermosa and Oyo Sotto expecting sixth child
May nice gesture pa nga raw sa kanya si Sharon nang isilang ni Janice ang naging anak nila si Aga Muhlach, si Luigi.
Kuwento ni Janice, “When I was pregnant with Luigi, siguro dahil alam nga niya nung time na pregnant ako dun sa first [baby] ko, siyempre big deal yon.
“Laman ako ng lahat ng kuwentuhan ng mga Marites nung time na yon, pati nung church laman ako noon.
“She was very supportive. She sent me flowers and sent me a letter. So, na-appreciate ko yon.”
Read: Female doctor ambushed in Maguindanao escapes despite three gunshot wounds
ON PAST WITH GABBY CONCEPCION
Nabunot din ni Janice ang pangalan ni Gabby.
Bakas na hindi naiilang si Janice nang mapag-usapan si Gabby. Maayos daw kasi silang naghiwalay at magkaibigan sila hanggang sa ngayon.
Sabi ni Janice, “Alam na natin yan. E, yan naman ang first love ko, di ba?
“It’s just nice because after all those years, Gabby and I are friends.
“Minsan pagkukuwentuhan namin yung past, lolokohin ko pa siya, and, you know, game na game siya.
“So, wala akong galit whatsoever kay Gabby because we’re friends, di ba?
"Okay kami. Walang drama. May closure and we’re really okay."
Ikinuwento rin ni Janice na humingi rin ng tawad sa kanya si Gabby nang muli silang magsama sa pelikulang Rosenda (1989).
“What happened to us when we were doing Rosenda, he apologized to me,” sabi ni Janice.
“Sabi niya sa akin, ‘Whatever hurt I caused you, I wanted to say I’m sorry.’"