Dinepensahan ni Mariel Padilla ang kanyang sarili matapos naging trending sa social media ang kakaibang Senate session niya.
Binatikos kasi ng netizens ang gluta-drip session ni Mariel sa opisina ng asawang si Senator Robin Padilla nitong nakaraang February 21, 2024.
Hindi maiwasang pulaan si Mariel ng netizens dahil sa kanyang gluta-drip session. Sa dinami-dami daw ng lugar ay napili pa niyang sa Senado magpa-gluta drip.
Read: Mariel Padilla receives backlash for gluta-drip session at husband Senator Robin Padilla’s office
Sa TikTok ngayong gabi ng Biyernes, February 23, 2024, nagkaroon ng live-selling session si Mariel kasama ang kaibigang si Grace Lee.
Napanood din ito sa iba pa niyang social media accounts.
Nagkaroon siya ng big, big sale dahil daw trending siya.
Bago sila magsimulang magtinda, kinuwento muna niya ang viral gluta-drip session niya.
Panimula ni Mariel, “Gusto ko munang magkuwento sa inyo what really happened.
"So, ako po, I don’t naman always go to the Senate, minsan lang po ako nagpupunta doon.
“It just so happened na I was there for the… I was there kasi I was supporting the Eddie Garcia Bill.
"So andun ako, two Mondays na akong nandun, nung second reading and third reading, for the Eddie Garcia Bill.
“Now, nung sa second reading, 6 p.m. tapos na kami. And then, so I went again for the third and final reading na, thank you.
"Alam niyo pinaghirapan talaga ng asawa ko yung bill na yan kaya proud na proud ako sa asawa ko dahil talagang inilakad at talagang trinabaho yung Eddie Garcia Bill.
“So, super happy because it was a unanimous decision sa mga senators at sabi ni Senator Imee, matagal na raw na panahon na walang unanimous decision, na lahat sila nag-vote ng yes. So, it was such a win.
“Natapos yun ng medyo late. Natapos ako dun siguro mga past 8."
Ang tinukoy ni Mariel na Imee ay si Senator Imee Marcos.
MARIEL says nothing wrong with her post
Sabay tukoy niya sa kanyang beauty routine, "Ngayon, 8 o’clock, every week po talaga, I do my [IV drip service] vitamin drip."
Hindi raw talaga maintindihan ni Mariel kung bakit nabatikos siya dahil lamang sa pagti-take niya ng vitamins.
Pagpatuloy pa niya, "Bakit ko yan ginagawa? It is for health reasons. Kailangan po naglalagay tayo ng bitamina sa ating katawan.
"At yung bitamina na yan, I don’t get sick, alam mo yun ang lakas-lakas ng resistensiya ko, ang galing-galing.
"And you know, these people from [IV drip service], pinag-aaralan nila yung nilagagay nila sa katawan ko.
"They are professionals. Hindi lang yung basta-basta kung ano lang. They're really professionals and I love them so much.
“So ang nangyari… eto na, eto na. So, I had an appointment with [IV drip service].
"Ngayon, hinihintay ko po yung asawa ko. Yung asawa ko na lagpas 8 o’clock, nagtatrabaho pa rin po.
“Hinihintay ko siya, so sabi ko, 'Dito ko na lang sa Senate papupuntahin si [IV drip service].'
"Na to tell you the truth, hindi ko po nakikita na kahit kaunti may mali dun sa ginawa ko, masama yung ginawa ko.
"Dahil one, bitamina yung nilalagay ko sa katawan ko, for health reasons yun. Hindi naman po ako nagda-drugs, na naghi-heroin ako dun. Buti kung naghi-heroin ako dun, di ba? Hindi naman po.
"Wala naman po akong ginawa dun sa Senate seal. Hindi ko naman flinash yung bitamina dun sa Senate seal. Wala naman akong ginawang ganun.
“Umupo lang ako dun at saka nagpabitamina sa katawan. So, hindi ko maintindihan bakit parang may mga nag-react.
"So dahil may mga nag-react, kaya ko po tinake down yung post ko. In respect dun sa mga na-offend o kung anuman, tinanggal ko po. Kaya ko yun tinanggal."
MARIEL SAYS SORRY TO THOSE WHO WERE OFFENDED
Kasunod nito, nag-sorry si Mariel kung may mga na-offend man siya sa kanyang post.
Aniya, "So, kung sa tingin ninyo mali, o masama, o na-offend kayo dun sa ginawa ko, sorry po.
"Pero ako, naglagay lang ako ng bitamina sa katawan. And it was 9 o’clock ng gabi, nung ginawa ko yun, after office hours po.
“Pero dahil yung asawa ko ay asawa ko, nakikipag-usap sa COS niya, sa chief-of-staff niya si Atty. Hurado, so hinihintay ko siya na matapos.
"Dahil asawa nga po ako, dun ako sa office niya na wala naman po akong inabala, ni hindi po kami nakisaksak o gumamit ng electricity ng Senado, o ginamit yung alam mo yun."
Humingi na rin ng paumanhin ang asawa niyang si Robin dahil sa post niya.
Hindi pa aprubado ng Food and Drug Administration (FDA) ang mga gluta-drip.