Naiiyak pa rin si Lovi Poe sa tuwing napag-uusapan si Phoebe, ang kanyang pet Shih Tzu na pumanaw noong Pebrero 22, 2024, dahil sa tumor sa mukha.
Read: Lovi Poe, umuwi ng Pinas para makasama sa huling sandali ang alagang aso
Umalis ng Pilipinas si Lovi noong Disyembre 5, 2023, para makapiling sa California, USA, ang kanyang mister na si Monty Blencowe.
Noong Pebrero 21, 2024, bumalik siya sa Pilipinas dahil sinabi sa kanya ng veterinary doctor ang malubhang kalagayan ng pet dog niya.
Labimpitong taong alaga ni Lovi si Phoebe kaya hindi madali sa kanyang tanggapin ang nangyari sa aso na parang anak ang turing niya.
Sinundo ni Lovi si Phoebe mula sa kinararatayan nitong veterinary hospital.
Hinding-hindi malilimutan ng Kapamilya actress ang tuwang-tuwang reaksiyon ng aso nang magkita sila at narinig ang kanyang boses, makalipas ang mahigit sa dalawang buwan.
Parang hinintay lamang ni Phoebe ang pagdating ni Lovi dahil binawian ito ng buhay sa tahanan ng aktres.
Nagsulat ng madamdaming pamamaalam si Lovi tungkol sa mga huling sandali ng aso na naghatid sa kanya ng hindi matatawaran na kaligayahan.
Narito ang kabuuan ng liham ni Lovi:
“As I lay on the couch with Phoebe, Señorito started sniffing the balcony door as if inviting us to step outside and do what we usually do in these wee hours. Despite Phoebe’s frail condition, she managed to make her way to the door.
“I had the impulse to carry her to alleviate her efforts, yet it seemed she preferred to walk. And so I let her. Our 4 am routine usually involved a cup of coffee, running shoes, and a newly curated morning playlist.
“However, yesterday, we sat in silence, the three of us together, awaiting the break of dawn. I held Phoebe in my arms throughout the morning, and even Señor, usually prone to jealousy, remained quiet.
"It was a day where time seemed to stand still; I knew I was given a little bit more time. I was given the chance to be with her on her last sunrise.
“Though the moment was tinged with sorrow, she had brought us immense joy for 17 years. Originally given a mere six months to live, she surpassed all expectations and graced us with an additional two beautiful years.
“Run freely now, Phoebe, and jump around the clouds. Carry my love and kisses to my other cherished angels, Ross, Chibby, Chubby, and Seth.”
Si Phoebe ay anak ni Chibby, isa sa mga unang asong inalagaan ni Lovi.
Binili ni Lovi si Chibby mula sa kanyang unang talent fee sa Bakekang, ang kauna-unahang regular drama series niya sa GMA-7 na napanood mula Setyembre 2006 hanggang March 30,2007.
Ang pangalan ni Phoebe ay mula kay Phoebe Buffay, ang karakter na ginampanan ni Lisa Kudrow sa paboritong American TV show ni Lovi, ang Friends.
Sinabi ni Lovi sa Philippine Entertainment Portal (PEP.ph) na ipina-cremate niya si Phoebe. At sa kasalukuyan, nasa kanyang tahanan ang urn na naglalaman ng abo ng pumanaw na aso.
Bukas, Pebrero 28, babalik na si Lovi sa Amerika. Kasama niyang aalis si Señor na magiging permanent U.S. resident na.
Paulit-ulit na pinapanood ni Lovi ang mga video ni Phoebe dahil bukod sa matinding pangungulila sa pet dog na namatay, pinahahalagahan niya ang maliligayang araw na magkasama sila.
Read: Confirmed: Lovi Poe joins cast of Hollywood indie film Bad Man