Ang aktres na si Yassi Pressman naman ang nag-"hard launch" ng relasyon nila ni Camarines Sur Governor Luigi Villafuerte.
Sa Instagram, nag-upload si Yassi nitong Miyerkules ng gabi, March 6, 2024, ng isang short reel kung saan pinagdugtung-dugtong niya ang beach getaways nila.
Sinasaliwan ito ng kantang "Ikaw Lang Patutunguhan" ni Amiel Sol.
Ganito ang lyrics na nakasaliw sa reel:
"Di mawawala
"Gabay ang kalawakan
"Dama ang pananabik
"Ako’y papalapit na, giliw
"Parating nang dapithapon
"At kay sarap umuwi, sa’yo
"Kaya tuwing gabi
"Ako'y nananalangin dahil
"Kay palad na ikaw
"Ang kapiling ko sa ilalim ng buwan
"At kay saya na ikaw ang katabi ko sa pagsikat ng araw"
Caption ni Yassi, "you are the water of my life @vincenzo.luigi
& i miss you all the time (heart-hands emoji]"
View this post on Instagram
Unang nagkomento rito si Rachel Peters, asawa ng kapatid ni Luigi na si Migz Villafuerte.
Dalawang face holding back tears emojis ang comment ni Rachel.
Sagot naman ni Yassi ay crying, heart, at heart-hand emojis.
Natuwa rin si Nadine Samonte at maraming netizens sa tila pagsapubliko na ni Yassi sa relasyon nila ni Luigi.
Noong February 21, idineklara ni Luigi sa publiko na "love of my life" si Yassi sa buhay niya.
Sa isang Instagram Reel na in-upload ni Yassi noong araw na iyon, binitawan ng gobernador ang mga nakakakilig na salitang ito:
“I truly believe pag inspired, lahat possible. Kaya I want to thank the love of my life for supporting this event. Babe, maraming-maraming salamat. Thank you, I love you so much.
"Thank you. Muwah. I love you babe. Let’s give her a round of applause.”
Caption ni Yassi, "aysuuuus namaaan my heart [emojis]
you’re the sweetest @vincenzo.luigi [crying in tears emojis]"
Read: HARD LAUNCH: Luigi Villafuerte declares Yassi Pressman is "the love of my life" in public
Noong February 8, 2024 naman, nagbahagi rin si Yassi ng ilang larawang kuha sa isang local fashion event na ginanap sa National Museum of the Philippines.
Makikita sa dulong post ni Yassi ang isang short video na nag-kiss sila sa lips ng boyfriend.
Read: Yassi Pressman posts kissing video with rumored boyfriend Luigi Villafuerte