Excited na ang Sparkle artists na sina Barbie Forteza, David Licauco, Julie Anne San Jose, Rayver Cruz, Bianca Umali, at Ruru Madrid sa nalalapit nilang series of shows sa Canada sa April, ang Sparkle Goes To Canada.
Inabot ng limang buwan ang paghahanda ng anim na Kapuso stars para sa kanilang dalawang oras na pagtatanghal sa dalawang magkaibang lugar sa Canada.
At ang most exciting dito, si Mr. Johnny Manahan o Mr. M. mismo ang kanilang direktor.
(From left) Ruru Madrid, Bianca Umali, Johnny Manahan, Rayver Cruz, Julie Anne San Jose, Barbie Forteza, and David Licauco
GOING INTERNATIONAL
Sa presscon na ginanap sa Studio 7 ng GMA Network kahapon, March 12, 2024, natanong sina Barbie at David kung may pressure para pasayahin ang Pinoy fans sa Canada.
Sagot ni Barbie tungkol dito, "Actually, yes. May pressure dahil nga nag-i-expect sila na extra-extra-extra pakilig, ganyan.
"Pero kasi kami ni David, talagang... we will be there to enjoy, to give entertainment to our global Pinoys.
"Hindi ba, para kahit papano we offer them a piece of home.
"Para hindi naman sila ma-homesick. So, yun."
Ayon naman kay David, "I think hindi naman ako masyado na may pressure sa mga performances namin ni Barbie together.
"Because comfy ako around her. Pero siguro kinakabahan ako dun sa... dun sa sayaw.
"Kinakabahan ako sa sayaw dahil hindi ako sanay."
FROM LOVE TEAM TO TEAM PARTNERS
International na rin ang exposure ng BarDa love team nina Barbie at David. Napi-pressure ba rito si David?
Tugon ng Kapuso heartthrob, "Hindi naman. Kami, ang trabaho naman namin is artista, actors.
"So, I think it's better na mag-focus naman sa mga ginagawa namin.
"Sa trabaho namin. At yung pressure naman, it's natural.
"So, I think it's better na we don't think about it.
"And just focus on ourselves, on improving.
"And then every day, our goal is to entertain.
"And hopefully, we get to entertain people.”
Mas lumalalim ba ang partnership nila being a love team?
Saad ni Barbie, "May lalim na.
"Honestly, nung bago pa lang po ang FiLay [Fidel at Klay] or ang BarDa, aaminin ko, andun ako sa, 'Papano? Papano. How will we make this work?'
"Tapos, parang ngayon, nakarating na kami sa point na alam na namin kung papaano ang isa't isa.
"So, mas parang, I feel like we're a team already.
"Alam namin ang weaknesses, alam namin ang strengths sa isa't isa.
"Alam namin kung alin yung mas iha-hype, alin yung mas medyo isi-set aside muna.
"But at the end of the day, kapagka tapos na yung show, tapos na yung work, ganyan, makikilala namin ng isa't isa as David and Barbie."
Dagdag ni David, "I think, I would say like Barbie is siguro pinaka-close ko na babae sa show.
"Actually, siya lang ata yung close ko na babae sa show.
"Because, I think, the other one is Derrick Monasterio. Pero lalaki naman yun.
"I think it's only Barbie. I super appreciate her.
"I super appreciate her because she tries her best to understand me, sa personality ko."
Sabi pa ni David kay Barbie, "And also, yun nga, actually, dapat mag-thank you ako sa yo dahil parang you make me feel comfortable in showbiz.
"Alam mo naman na hindi talaga ako masyadong ma-showbiz.
"Hindi naman ako... mahiyain kasi akong tao.
"I think with her around, makes me feel, you know, I'm okay. I'm comfy.
"And yun lang. Thank you."
Gaganapin ang first show ng Sparkle Goes To Canada sa April 5, 2024, sa Southview Alliance Church, Calgary, Canada.
Ang second show naman ay sa April 7 sa Toronto Pavillion sa Toronto, Canada.
Para sa tickets, kontakin lamang si Vangie Fons (587 834 1820), Beth Malcolm (416 731 4772), at Candace David (416 825 5750).