Nagbigay-pugay si Claudine Barretto kay Johnny Manahan o kilalang Mr. M. sa showbiz.
Kasunod ito ng Night of 100 Stars tribute para sa ABS-CBN star builder na ginanap sa Marriott Hotel noong Sabado, March 16, 2024.
Read: Bea Alonzo and Julia Barretto share a moment at Johnny Manahan tribute party
Sa kanyang Instagram kahapon, March 17, 2024, nag-post ng isang pasasalamat si Claudine kay Mr. M na nagsilbi niyang tatay-tatayan noon sa ABS-CBN.
Gayundin sa isa pang haligi ng Star Magic na si Mariole Alberto.
Mensahe ni Claudine (published as is), "To My Mentor,my 2nd Father,the Man who makes every little girl ‘s Dreams come true,the Man who sincerely believes in you even when you don’t believe in yourself THANK YOU Tito Johnny.
"MR.M,Coach & Father.to Showbiz’s DREAM MAKER THANK YOU WILL NEVER BE ENOUGH.and to the MAGIC BEHIND HIM, Our 2nd Mom TITA MARIOLE thank u for your unwavering love for us your children, You never gave up on all of us.
"WE LOVE YOU BOTH SO MUCH! #mrmnightof100stars [stars emojis]"
View this post on Instagram
Sa comments section ng kanyang post ay may mga nagkomento tungkol sa hitsura ni Claudine. Ayon sa kanila, bumalik na ang dating ganda ng tinaguriang Optimum Star.
Pero may isang basher na nagkomentong bumalik umano ang ganda ni Claudine matapos itong sumailalim sa "how many thanks Dr." o pagsasailalim sa cosmetic surgery.
Ayon dito, "Gumanda na ulit sya after how many thanks Dr. But glad she managed to get back her face again"
Sinagot ni Claudine ang nasabing netizen.
Ayon sa aktres, never pa siyang nagpagalaw ng mukha katulad ng botox o surgery.
Totoong dumaan siya sa ilang facial treatment at procedure sa katawan, pero hindi operasyon sa mukha.
Buong komento ni Claudine: "i have never done any work on my face po.
"my body yes but proud to say st 44 never pa po ako nag pa botox or surgery except mgs thermage, ulthera, hi fu at exilis po sa @tblmanilaaesthetic @tblmanilaaesthetic @tblmanila.aesthetics thank you po & Godbless"
Hindi na sumagot si Claudine sa iba pang komento.
Samantala, marami naman ang nakapansing nagkaayos na si Claudine at pamangkin na si Julia Barretto sa party pa rin ni Mr. M.
Read: Claudine, Julia Barretto reunite at Mr. M tribute event