Na-cite in contempt si former Police Major Allan De Castro ng Senate Committee on Public Order and Dangerous Drugs dahil sa pagsisinungaling umano nito sa hearing sa Senado kahapon, March 19, 2024.
Hindi raw nagsasabi ng katotohanan ang prime suspect sa pagkawala ng beauty queen at Grade 9 teacher na si Catherine Camilon, ayon sa ulat ng GMA News online.
Read: Who is Catherine Camilon?
Sa takbo ng pagdinig, tinanong si De Castro ni committee chair Senator Ronald dela Rosa kung may relasyon ba sila ni Camilon.
Sagot nito, "Nagsasabi po ako ng totoo, wala kaming relasyon, wala po."
Sinalungat ito ng National Bureau of Investigation at Philippine National Police-Criminal Investigation and Detection Group na nagsabing mayroon silang mga pahayag ng testigo at mga larawang magpapatunay na may relasyon ang dalawa.
Hindi nakuntento si Dela Rosa sa sagot ni Dela Rosa.
Aniya, “Nagsisinungaling ka sa harapan ko… I am not satisfied with your explanation."
Kasunod nito ay nag-motion si Senator Robin Padilla na i-cite si De Castro in contempt dahil sa pagsisinungaling sa committee.
Inaprubahan ito ni Dela Rosa.
Agad isinailalim sa kustodiya ng Senate Sergeant-at-Arms si De Castro kaya kasalukuyan itong nakaditene sa Senado.
Ito ang unang pagdalo ni De Castro sa pagdinig dahil lumiban siya sa unang pagdinig ng Senado ukol sa pagkawala ni Camilon kaya pina-subpoena siya ng Mataas na Kapulungan ng Kongreso.
Read: Senate panel orders subpoena against prime suspects in Catherine Camilon case
Dumalo rin sa pagdinig ang driver-bodyguard ni De Castro na si Jeffrey Magpantay.
Si Magpantay ang itinuturo ng dalawang saksi na nanutok ng baril sa kanila nang makita nilang inililipat ng tatlong lalaki sa isang pulang SUV ang duguang babaeng pinaniniwalaang si Camilon.
Read: Kidnapping, illegal detention filed vs four suspects in Catherine Camilon disappearance
Pero sa hearing, sinabi ni Magpantay na ipinagmamaneho lamang niya si De Castro sa mga espesyal na okasyon katulad ng kasalan at binyagan.
Sabi pa niya, "Wala po akong itetestigo laban kay major at wala po akong alam sa kaso."
Read: Driver-bodyguard of prime suspect in Catherine Camilon case surrenders
Samantala, sinabi ng representative ng Globe Telecom Inc. na hindi nila maaaring sabihin ang palitan ng mensahe nina De Castro at Camilon noong gabing nawala ang beauty queen.
Ayon naman ng NBI, ang isinumite lamang ng Globe ay ang call and text message logs kahit na may warrant na sila para sabihin ang laman ng computer data.
Sabi ng representative ng Globe, “As disclosed by NBI, we complied with the warrant to disclose computer data. Ang ibinigay po namin ay lahat ng data na sa aming position.
"As far as the content of the text messages, we sympathized actually with the parents of the victim, but ang katotohanan, hindi po kami nag-i-store ng text messages."
Sinabi rin ng representative na may "financial, technical, and legal reasons" kung bakit hindi sila nagsi-save ng text messages.
Sabi naman ni Dela Rosa, "Pangalawang hearing ko na ito na ganoon ang explanation ng Globe. Yung explanation mo na financial, technical, tanggap ko yun. Pero if you go far beyond that sabi mo legal, that I cannot accept.
“You are not legally impeded, kasi nga issued by the court, e, competent court. Yun ang palaging issue sa inyo, e, yung content hindi niyo maibigay."
Nanindigan ang Globe na wala talaga silang file ng messages dahil hindi sila nagsi-save.
Ang tanging paraan na lamang daw upang maberipika ito ay sa pamamagitan ng dalawang telepono nina De Castro at Camilon.
Pero hindi hawak ng awtoridad ang kanilang cellphones.
Limang buwan na ang nakalilipas mula nang hindi magparamdam si Catherine sa kanyang mga kaanak.
Read: Miss Grand Philippines 2023 candidate Catherine Camilon "missing" according to mom, sister