"Historic" ang paglalarawan ni ABS-CBN president and chief executive officer Carlo Katigbak sa contract signing sa pagitan ng Kapamilya network at GMA-7 ngayong Miyerkules, March 20, 2024.
Ito ay para sa collaboration ng Kapuso Network at ABS-CBN, kung saan ang Kapamilya noontime show na It’s Showtime ay mapapanood na rin sa GMA-7.
Bukod pa rito, patuloy na mapapanood ang noontime show sa GTV, na subsidiary ng Kapuso network.
Ginawa ang contract signing sa bakuran ng GMA-7, at nagtungo roon si Katigbak at ang iba pang ABS-CBN executives.
Si Carlo ang nagsalita bilang kinatawan ng ABS-CBN.
Nagbigay rin ng pahayag sina GMA-7 chairman Atty. Felipe L. Gozon at GMA-7 president and CEO Gilberto Duavit Jr., sa panig naman ng Kapuso network.
Read:
- Vice Ganda calls airing of It's Showtime on GMA-7 "historic, iconic, mothering"
- It's Showtime hosts, mainit na sinalubong sa GMA Network
ATTY. GOZON’S EXPECTATION
Sabi ni Gozon, “The fact that we are holding this signing here [in GMA grounds], we don’t need to say anything more about your being welcome in GMA.”
Iginiit ng Kapuso executive ang previous statement niya na “the network war between ABS and GMA was over.”
Sinabi iyon ni Gozon sa contract signing para sa pag-ere ng It’s Showtime sa GTV noong 2023.
Ani Gozon, naniniwala siyang tuluy-tuloy pa ang magiging collaboration ng dalawang media giants na dating magkatunggali.
“I think we can expect more mutually beneficial collaborations between ABS and [GMA] that will benefit the viewing public...
"Kaya’t I hope, e, ipinangako naman sa akin ni Carlo na gagandahan niya yung programa niyo ngayong dalawa na yung platforms niyong malakas.”
Ang tinutukoy ni Gozon ay ang free TV (GMA-7) at digital platform (ABS-CBN).
Hindi itinago ni Gozon na mataas ang expectation niya sa noontime show na mapapanood na rin sa Kapuso network.
Sabi niya, “But even without Carlo’s promise, alam ko naman iyon.
“Kaya’t we expect—I say expect, not hope—na tataas ang rating ng It’s Showtime magbuhat ng April 6, dahil dala-dalawa na ang malakas na platforms niyo.”
Ipinakita sa camera na napa-react si Vice Ganda, main host ng It’s Showtime, sa sinabi ni Gozon, na animo’y na-pressure ito.
Bukod kay Vice, present sa contract signing sina Anne Curtis, Vhong Navarro, Jhong Hilario, Kim Chiu, Ogie Alcasid, at ang iba pang co-hosts ng Kapamilya noontime show.
Vice Ganda (second from right) appears to be pressured when GMA-7 chairman Atty. Felipe Gozon said that he expects It's Showtime to do better in the ratings game now that the show will air on GMA-7 very soon.
KATIGBAK'S REQUEST
Sinabi naman ni Carlo Katigbak na “historic” ang muling pagsasanib-puwersa ng GMA-7 at ABS-CBN para sa pagsasaere ng It's Showtime sa GMA-7.
“Thank you for this historic occasion. We have so much gratitude for all of you today,” sabi ng Kapamilya executive.
Pinasalamatan muna niya ang GMA-7 sa naunang kasunduan na umere ang It’s Showtime sa GTV.
“Thank you again for welcoming Showtime this time both on GMA and GTV,” aniya.
Pinasalamatan di ni Katigbak ang buong It’s Showtime family “for never giving up.”
Sinundan niya ito ng isang pakiusap: “We’ve been given a very special opportunity to work with GMA, let’s go the extra mile, guys, to prove to our partners that we deserve this chance, and that we are worthy of the trust that they put in us.
“Patuloy nating bigyang-halaga ang makapagbigay ng serbisyo sa madlang people.”
DUAVIT SAYS THEY DID NOT HAVE SECOND THOUGHTS
Sa pahayag naman ni Gilberto Duavit Jr., sinabi niyang naging madali para sa kanila na pumayag sa agreement.
Wala raw nagdalawang-isip sa panig ng Kapuso network para sa kasunduang ito.
“It’s our pleasure. We are very proud, very happy to have It’s Showtime on GMA.
"You bring so much joy to so many people, so much happiness…
“Ipagpatuloy niyo ang magandang programa, pagandahin pa natin at lalo pa nating palawakin ang madlang people, madlang Kapuso, madlang Kapamilya.
“Welcome, welcome to GMA," ani Duavit.
