Mariing pinabulaanan ng dating basketbolistang si Marc Pingris ang cheating allegation sa kanya kung saan nadamay pa ang aktres na si Kim Rodriguez.
Si Marc ang asawa ng aktres ding si Danica Sotto.
Read: Danica Sotto and Marc Pingris exchange I dos for the second time
Sa pamamagitan ng social media, ngayong hapon ng Huwebes Santo, March 28, 2024, naglabas si Marc ng kanyang pahayag ukol sa isyu.
Mahigpit niyang pinabulaanan ang mga haka-haka ng netizens tungkol sa kanila ni Kim.
Nagkasama man daw sila sa ilang pagtitipon, hanggang doon lang iyon.
Sabi ni Marc: "Walang katotohanan ang mga lumalabas na balita tungkol sa amin ni Ms. Kim Rodriguez.
"Walang namamagitan sa aming dalawa gaya ng sinasabi ng ibang tao. Nakasama ko po si Ms. Kim sa isang basketball event at sa isa pang event noong naging muse siya ng team namin."
Kahit na napaparatangan ng netizens, nagpapasalamat pa rin si Marc sa tila concern ng iba sa kanyang pamilya.
Wala rin daw pinagdaraanang problema ang kanilang pamilya.
Umaapela siyang mabigyan sila ng respeto at hindi na makaladkad pa ang mga anak nila ni Danica sa isyu.
Dagdag niya (published as is): "Salamat din sa nag pa abot ng concern. Ok kami ng pamilya ko. Wag na po tayo magpakalat ng mga balita na hindi totoo.
"Humihingi po kami ng respeto para hindi madamay ang mga anak namin ni Danica. Salamat po at God bless po."
Inulit din niya ang kanyang pakiusap sa Instagram.
View this post on Instagram
Matatandaang mainit na pinag-uusapan sa X (dating Twitter) ang ikinukunektang sightings ni Marc at ni Kim.
Parehong may kuha sa harap ng Sydney Opera House sa Sydney, Australia, sina Marc at Kim.
Pero, kalmado lang naman si Danica sa intriga.