Inigo Pascual wows crowd in Florida event

Sa isang pambihirang pagkakataon, pinaunlakan ni Iñigo Pascual ang mga kapwa Pilipino sa Tampa, Florida, USA, nitong nakaraang Sabado, Abril 6, 2024.

“It’s good to be back here in Florida. I consider it one of my second homes here [in the US],” pagbati niya sa mga naghihintay sa kanya.

“It’s good to see some familiar faces and some new faces as well. Ang daming mga Pinoy at Pinay. I can also see some non-Filipinos here which is very nice.”

Tampok na bisita ang 26-anyos na aktor sa PhilFest na ginanap sa Philippine Cultural Foundation Inc. grounds. Ito ang ika-28 taon kung saan nagtitipun-tipon ang mga Pilipino sa Florida.

Matinding hiyawan ang sumalubong nang lumabas siya sa entablado sa kantang “Killing Me Softly” ng The Fugees.

Inigo Pascual sa harap ng Tampa, Florida crowd na magkahalong mga Pinoy at iba pang nasyonalidad. PHOTO: Paul Mata

“I wasn’t planning to be going down,” banggit niya matapos ng unang kanta niya kung saan hindi niya napigilan na lumapit at pagbigyan ang requests na selfies ng mga tagahangang Pilipino na sabik na makita siya.

“I want to be singing with you guys. I love the energy.”

Kasunod naman niyang hinarana ang mga kapwa Pilipino awit ang “Ako’y sa Iyo, Ika’y Akin" ng '90s Pinoy band na IAXE. Lalong kinilig ang mga kababaihan nang ilan sa kanila ay hinawakan pa ni Iñigo ang mga kamay at nakipagtitigan sa kanila.

Nakipag-selfie pa si Inigo sa fans na sabik na makita siya nang personal. PHOTO: Paul Mata

Ang “Kahit Maputi Na Ang Buhok Ko” ang kanyang ikatlong kanta na kinagiliwan naman nang husto ng mga Pinoy na lumaki sa Rey Valera classic song na ito.

“I have one last song. What song should I sing?” tanong niya sa audience.

Tinatanong ni Inigo ang Tampa, Florida crowd sa PhilFest event kung ano ang susunod niyang kanta. PHOTO: Paul Mata

“Dahil Sa ‘Yo,” sigaw naman nila pabalik.

“Huh?! “Para Sa ‘Yo” yung naririnig ko. Kay Manny Pacquiao yun,” biro niya pa.

“Now I want everyone here… If you guys know the dance, the song is called “Dahil Sa 'Yo.”

Bakas ang excitement at tuwa sa mga Pinoy at Pinay na nanonood kay Inigo habang hinaharana niya ang mga ito. PHOTO: Paul Mata

Dinumog naman ng fans ang entablado upang sabayan ang kanyang pagkanta at hindi na napigilan ng security escorts niya na pagbawalan silang lumapit sa aktor.

Nagsilapit na sa harap ng entablado ang dumagsang fans para makita nang maigi si Inigo. PHOTO: Paul Mata

Naka-base si Iñigo sa California, kung saan siya lumaki bago naisipang pumasok sa showbiz sa Pilipinas at sundan ang yapak ng kanyang ama na si Piolo Pascual.

Kamakailan lang ay napasama si Iñigo sa Monarch, isang TV series na ipinalabas sa FOX channel dito sa Estados Unidos, kung saan nakasama niya rin ang aktres na si Susan Sarandon.

Hindi napigilan ng isang Amerikano ang magpa-selfie sa aktor. Lalong umangat ang popularidad ni Inigo nang makasama siya sa FOX series na Monarch na ipinalabas sa U.S. PHOTO: Paul Mata

Nagkaroon pa ng photo-op ang mga TFC (The Filipino Channel) subscribers kasama ang aktor pagkatapos ng kanyang palabas.

Ipinagdiriwang ng TFC and kanilang ika-30 anibersaryo na siyang responsable sa pagdala sa aktor sa pagtitipon na ito.

Ilan sa fans ni Inigo Pascual na nag-enjoy sa handog ng TFC (The Filipino Channel) sa subscribers nito sa Tampa, Florida. Ipinagdiriwang ng TFC ang 30th anniversary nito. PHOTO: Paul Mata

Isang Pinoy artist ang nagbigay ng kanyang gawang caricature para sa aktor. PHOTO: Paul Mata

“It’s always so much fun going to Filipino events like this and seeing that we can all come together. At kahit na malayo tayo sa Pinas, we can always bring it here. Thank you so much.

HOT STORIES