Dahil sa kakapusan ng oras, nagdesisyon ang actress-entrepreneur na si Ara Mina na iurong sa ibang araw ang kanyang 30th anniversary concert na All of Me.
Dapat ay sa May 7, 2024 ito gaganapin, pero mauurong ito sa July 11, 2024.
Read: Ara Mina: The star who had 4 screen names conquers acting, singing, even baking
One year in the making ang konsiyerto na nataon sa kanyang 30th anniversary sa showbiz.
Read: Ara Mina to hold "All of Me" concert for her 30th anniversary in showbiz
Sa anniversary presscon niya ngayong araw, April 18, 2024, ibinahagi ni Ara ang dahilan ng postponement ng kanyang concert.
Aniya, "Today ko din i-announce. Supposed to be birthday concert.
"But nakakagulo na kami sa schedule. Sabi ko, naka-press for time na ako.
"So we decided to move the concert to July."
Sunud-sunod daw kasi ang dating ng bagong proyekto niya kaya nahirapan siyang magsingit ng oras sa rehearsals.
Kabilang sa bago niyang ginagawa ay ang pelikulang Alyas Pogi 4 kasama sina Senator Bong Revilla Jr. at Epy Quizon.
Read: Senator Bong Revilla, posibleng maoperahan dahil sa napunit na Achilles heel
Isa pa ay ang bago niyang podcast sa One PH ng TV5 na Private Time with Ara.
Bukod pa ito sa dalawa niyang existing TV shows: ang Jack and Jill sa Diamond Hills sa TV5 at ang Magandang ARAw sa Net25.
Saad ni Ara, "Kasi ano, siyempre, thank you, Lord. Ang daming work.
"Ang daming work. So I have two TV shows. I have two talk shows. And meron pa akong movie, Alyas Pogi.
"And then, meron pang under negotiation. So, ganun.
"Hindi na rin makasingit ng mga promotion ng promo for the concert.
"Buti nga, ito, na-plot na namin ito, itong presscon, kaya itinuloy.
"But good thing na rin iyon, yung mga nakaano naman, nakabili na, magagamit naman nila yung ticket."
Gusto raw ni Ara na physically prepared siya sa kanyang concert dahil live band ito.
Saad niya, "Wala namang problema dun sa ano, e.
"Gusto ko kasi to give yung best ko na sa sobrang daming itong schedule, baka bumigay yung katawan ko.
"Tapos, di ba, maganda yung condition na condition ako.
"But okay na, all set na lahat. All set na.
"But yung, gusto ko yung hindi ako... relax ako ba, di ba? Ang dami kasing ano ng schedule.
"Tapos, I mean, 'Ha? Nineteen days na lang pala? Concert na?'
"Oo, wala pang guesting. Nag-aano sila, nagpapa-schedule sila. Sabi ko, 'Wala na akong masingit.'
"Kasi, di ba, may Magandang ARAw ako, Season 3. And then, yung Jack and Jill patapos na.
"And I'm starting the, ano, the Padyak Princess with Miles Ocampo.
"Tapos, I started, nag-first shooting day na ako ng Alyas Pogi 4, after 25 years."
Si Ara ay naging leading lady na ni Bong sa Alyas Pogi: Ang Pagbabalik noong 1999.
"Ako yung parang nililigawan niya doon, na yung girlfriend na niya doon.
"Mag-asawa na kami. Mag-asawa na kami dito sa film."
Nakausap ng PEP.ph (Philippine Entertainment Portal) at ilang piling media si Ara sa presscon ng kanyang All of Me concert sa Kao Manila, Newport Word Resorts, Pasay City, nitong Huwebes, April 18, 2024.
"A GOOD SHOW"
Dagdag pa ni Ara, nais niyang magbigay ng magandang show sa 30th anniversary niya.
"So, itong 30th, wala naman tayong hinahabol.
"I want to give the people a good show. Kasi, it's a milestone, e.
"Kumbaga, I'm very thankful that I'm still here, na may trabaho.
"So, thankful ako na kaya gusto ko maganda yung show."
Karamihan sa mga konsiyertong napu-postpone ay dahil sa hindi nabenta nang maayos ang tickets.
Pero ayon kay Ara, "Meron nang bumili. No, it's not that.
"Sobrang pressed for time, maraming TV na gustong mag-promote ako ng concert.
"And also, ang dami kong gustong gawin sa concert and I need time to prepare pa.
"Actually, almost sold-out na nga kami, e. Naka-reserve na yung mga tickets sa VIPs.
"Siyempre sa tagal ko ba naman sa industriya at sa pagiging Miss Friendship ko, di ba?"
Co-producer si Ara sa kanyang All of Me concert na gaganapin sa Newport Performing Arts Theater sa Newport World Resorts, Pasay City, sa July 11, 2024.