Idinaan na lamang sa biro ng singer-actor na si JK Labajo ang minor accident na naranasan niya.
Read: JK Labajo recalls "wild and crazy" encounters with fans: "Nawala yung underwear ko..."
Sa pamamagitan ng Instagram kagabi, April 20, 2024, ibinahagi ni JK ang ilang larawan na nagpapakitang inasistehan siya ng ilang medics.
Makikita rin dito na may bondage ang kaliwang paa niya, pati na rin ang nag-uumapaw na tao sa Orani, Bataan.
Sabi niya sa caption (published as is), "Isa sa mga pinaka energetic at pinakamagandang crowd na nakasama namin this year! Orani, talagang nahulog ako sa inyo! Sobrang saya! Hanggang sa muli! [heart, honeybee, bone emojis]"
View this post on Instagram
Sa comments section, nagpasalamat siya sa nag-assist sa kanya.
Aniya, "salamat sa ating mga kuya na medic [heart emoji]"
Kabilang sa mga nag-aalala sa kanya ay si Moira dela Torre at ang girlfriend ni JK na si Miss Universe Philippines-Cavite 2024 Dia Mate.
Tanong ni Moira, "ano nanaman ginawa mo [laughing emoji]"
Saad naman ni Dia, "Wawa ng bebe ko"
Tanong ng isang netizen, "anyaree???"
Sagot ng isang nakasaksi, "nadapa po sya sa concert nya kanina WHAHAHAH"
Dagdag ng isa pa, "bumaba po kasi sya ng stage dyan sa gitnang part, tas pag akyat nya, ayun"
Pinapurihan naman ng ilang netizens si JK dahil todo-bigay ito kapag siya ay nagpi-perform.
Kamakailan lamang ayumani rin ng papuri mula sa netizens si JK dahil sa pagsaalang-alang nito sa kaligtasan ng isang baby na isinamang manood sa isa pa niyang out-of-town concert.
Read: JK Labajo earns praise for prioritizing a baby's safety at his concert