Nagsalita na ang Kapuso TV host na si Kim Atienza kaugnay ng pagkakasuspinde ng anak niyang si Eliana Atienza sa University of Pennsylvania, kunsaan ito nag-aaral ng kursong Environmental Studies.
Sinuspinde si Eliana dahil sa pagsali at aktibo niyang partisipasyon sa anti-Israel protest encampment bilang isang aktibista.
Bukod kay Eliana, dawit din ang lima pang kapwa niya estudyante na aktibong tumutuligsa sa giyera sa Israel laban sa Hamas kung saan ibu-libong sibilyang Palestino ang namatay.
May 21, 2024, naging headline sa mga pahayagan sa Estados Unidos ang naging panayam ni Eliana sa Philadelphia Inquirer, kung saan ibinunyag niyang bukod sa pagkakasuspinde sa kanya ay puwersahan din daw siyang pinaalis sa dormitory na kanyang tinutuluyan.
Dahilan para siya ay maging "homeless."
Read: Kim Atienza's daughter Eliana left "homeless" in U.S., why?
KIM ATIENZA DEFENDS ELIANA
Sa panayam ng GMA News Online kay Kim, via phone call, nitong May 24, dinepensahan niya ang anak mula sa mga bumabatikos dahil sa ginawa nitong pag-anib sa aktibismo.
Ani Kim, "Anti-genocide siya. My daughter has been very vocal about what she believes in and part siya ng anti-genocide and anti-war organization."
Noon pa man ay suportado na raw ni Kim at kanyang pamilya ang lahat ng ginagawa ni Eliana lalo na pagdating sa pakikipaglaban para sa human rights.
"The family has been very supportive of her, and since we know she is fighting for human rights. Matapang siya, e," pahayag ng 24 Oras co-anchor.
Read: Kim Atienza proud to see his children pursuing college degrees abroad
KIM ON ELIANA'S BEING HOMELESs
Mariin ding pinabulaanan ni Kim ang lumabas na balitang ang anak niya si Eliana ay homeless na sa U.S matapos nitong mapaalis sa kanyang dormitory, maging ang pagkukuwestiyon sa yaman at kakayahan ng kanilang pamilya.
Noong May 21, pinik-ap ng New York Post ang naging panayam ni Eliana sa Philadelphia Inquirer, partikular na ang pahayag ng dalaga na siya lang ang kaisa-isang pinaalis sa dormitory.
Read: What makes Kim Atienza sad? "Kapag naaalala ko ang mga anak ko na nasa America."
Mabuti na lamang daw at may mga kaibigan siyang nag-alok ng tulong para mabigyan siya ng panandaliang matutuluyan.
Dahil sa pahayag na ito ni Eliana, nakuwestiyon ang kakayahan ng kanyang pamilya sa Pilipinas, para hindi nito matulungan ang dalaga sa pagkuha ng bagong matutuluyang bahay.
Bahagi ng ulat ng New York Post (published as is): "Eliana Atienza, 19 — who told the Philadelphia Inquirer she had nobody to turn to for help in the US after she was kicked off campus in early May — is the daughter of Kim Atienza, a prominent media personality in the Philippines who is partial to showing off his extravagant lifestyle online.
"Her mother, Felicia Atienza, graduated from the Wharton business school and has served as the president and CEO of several international schools over the years, according to the Washington Free Beacon.
"The family enjoys flaunting their wealth on social media, with posts showing their extensive motorcycle collection, first-class flights with private showers and caviar service and hobnobbing with celebrities."
Read: Kim Atienza's wife Felicia Hung Atienza is a real lady boss
Depensa ni Kim, na-misinterpret ng media ang naging pahayag ni Eliana nang sabihin nitong siya ay "homeless."
Wala rin daw sinabi si Eliana na kapos sa yaman ang kanyang pamilya sa Pilipinas para pag-isipan ng iba na hindi nito kayang kumuha ng bagong tirahan.
Paglilinaw ni Kim, "Well, she’s not really homeless, it was taken out of context.
"She did not say we were poor. She was just banned from entering the school premises and removed from her dorm."
Hindi rin daw ibig sabihin na dahil na-suspend si Eliana sa University of Pennsylvania ay na-expel na ito at hindi na kailanman makababalik sa kanyang eskuwelahan.
Saad ni Kim, "In an attempt to silence the growing movement, the University of Pennsylvania banned Eliana and five other students from campus. Eliana lives in a student dorm, and this ban meant that she could not go home."
Read: Kim Atienza misses daughter’s graduation due to COVID-19
KIM'S MESSAGES TO ELIANA
Sa kabila ng nangyayari, mananatili raw ang pagsuporta ni Kim, sampu ng kanyang pamilya sa mga ipinaglalaban ni Eliana.
Sabi ng Kapuso TV host: "We’ve always been there for her, and I don’t want to restrict her from doing anything as she is capable of making decisions.
"She has a heart of an activist, e, and there’s nothing wrong with it because it’s the human rights she’s fighting for.
"Mama and papa are in full support of Eliana in her fight against genocide of Palestinians and unjust war in Gaza."
Read: Kim Atienza's son Jose graduates from flight school; honors dad with a letter