Itinanghal si Ana Jalandoni bilang Most Promising Actress sa Jinseo Arigato International Film Festival 2024 sa Nagoya, Japan, ngayong Linggo ng gabi, May 26, 2024.
Base sa ilang larawan at video na ipinadala ni Aflix Media Production managing director at Manipula film excecutive producer Diosalyn F. Punla, humahagulhol ng iyak si Ana sa kanyang acceptance speech.
Read: Ana Jalandoni, naunahan si AJ Raval kay Aljur Abrenica
THE SPEECH
Ayon sa maiksing video na ipinadala sa PEP.ph (Philippine Entertainment Portal), maluha-luhang nagpasalamat si Ana sa Diyos dahil sa karangalang nakamit.
Pahayag niya, "Hindi ko alam kung saan ako kumukuha ng lakas.
"Hindi po madali ang lahat, ang pagpu-produce na katulad ko na nag-uumpisa ako.
"Pero dahil sa Iyo ay nagagawa ko po, mahirap man o madali."
Makikita sa mukha ni Ana ang kaligayahan na nagbunga ang kanyang paghihirap bilang producer at actress.
Kasama ni Ana sa Japan ang iba pa niyang kasamahan sa production ng pelikulang Manipula, na siya ang bida at producer.
Gayundin ang co-actor niya sa Manipula na si Mark Manicad.
ANA JALANDONI PRAYS FOR AN AWARD
Ang Manipula ay pinagbibidahan nina Ana at ni Aljur Abrenica.
Kasama rin sa pelikula sina Kiko Matos, Christian Vazquez, Marco Alcaraz, Mark Manicad, Rosanna Roces, at Alan Paule. Ito ay mula sa direksiyon ni Neal “Buboy” Tan.
Sabi ni Ana sa exclusive interview niya sa PEP noong April 30, 2024, "So, ngayon pa lang siya, thank God, na nakapasok ang Pilipinas sa Nagoya, Japan, ngayon pa lang siya mapapalabas."
Ano ang pakiramdam na napili ang pelikula niya sa isang festival sa Japan?
Ayon kay Ana, "Exciting. Sobrang happy, of course, number one.
"Tsaka sobrang naka-excite kasi hindi lang naman Manipula yung napasok doon.
"Marami din talagang pelikulang gawang Pilipino na nandun.
"At tsaka, ayun, siyempre pinagpi-pray ko na magkaroon ng award yung pelikula.
"Tsaka maging best actress. Sana naman, baka naman, Lord, baka naman."
Inamin din ni Ana na mabibigat ang magiging kalaban nila.
Ayon kay Ana, ma-nominate lang siya ay isang malaking karangalan na.
Saad niya, "Oo naman, sobra. Kaya nung nalaman ko yun, hindi ako mapaniwala na parang, 'Lord, ito na ba yun?'
"Kasi ang tagal kong inantay. Ilang years din, two years, tapos eto na."
Sa ngayon, tututok muna si Ana bilang movie producer.
Aniya, "Siguro dahil nasa business line talaga ako. Tsaka gusto ko makagawa ng magandang pelikula.
"Alam mo yun, nakatatak sa tao."
May isa pang pelikulang si Ana rin ang producer, ang The Morning After, na si Xian Lim ang direktor.
Read: Ana Jalandoni on good terms with ex-boyfriend Kit Thompson