Hindi muna raw prayoridad ni Ana Jalandoni ang love life dahil abala siya sa ibang aspeto ng kanyang karera.
Pinagtawanan din niya ang intrigang lumabas noong nagkabalikan na umano sila ng ex-boyfriend na si Kit Thompson.
Nabuntis pa nga raw siya, at si Kit ang ama.
Read: Ana Jalandoni, may malalim na dahilan sa pagtangging nagkabalikan sila ni Kit Thompson
"Ano? Grabe yun. Sino may sabi? Tsismis yun," sagot ni Ana nang eksklusibo siyang makausap ng PEP.ph (Philippine Entertainment Portal) sa launching ng bagong ride-hailing app na PeekUp noong Martes, April 30, 2024, sa Mega Fashion Hall, sa Megamall.
Para patunayang hindi siya nabuntis, ipinakita pa ni Ana ang kanyang seksing pangangatawan.
Tanong pa niya sa PEP.ph, "Hindi. Ano ba? Buntis ba?"
Nag-uusap o nagkaayos na ba sila ni Kim?
Sabi ni Ana, "Okay naman kami. We're friends. [On] good terms naman kami.
"Hindi naman kami madalas mag-uusap, iisa lang management namin."
Sina Ana at Kit ay parehong nasa ilalim ng pangangalaga ng Cornerstone Entertainment.
"Oo naman," sagot ni Ana sa tanong kung naka-move on na siya.
Naging mainit ang usap-usapan nang hiwalayan ng dalawa noong taong 2022 dahil nauwi sa pisikalan ang masaya sana nilang bakasyon sa Tagaytay.
Read: Sexy star Ana Jalandoni rescued by Tagaytay police after alleged assault by boyfriend Kit Thompson
HAPPY FOR MANIPULA
Masayang-masaya si Ana ngayon dahil napili ang kanyang pelikulang Manipula bilang isa sa spotlight entries sa Jinseo Arigato International Film Festival 2024.
Ang Manipula ay pinagbibidahan ni Ana, at isa rin siya sa producers.
View this post on Instagram
Gaganapin ang film festival sa Nagoya, Japan, sa May 25 to 26, 2024.
Kasama rin sa pelikula si Aljur Abrenica, Kiko Matos, Christian Vazquez, Marco Alcaraz, Mark Manicad, Rosanna Roces, at Alan Paule. Ito ay mula sa direksiyon ni Neal “Buboy” Tan.
Sabi ni Ana, "So, ngayon pa lang siya, thank God, na nakapasok ang Pilipinas sa Nagoya, Japan, ngayon pa lang siya mapapalabas."
Ano ang pakiramdam na napili ang pelikula niya sa isang festival sa Japan?
Ayon kay Ana, "Exciting. Sobrang happy, of course, number one.
"Tsaka sobrang naka-excite kasi hindi lang naman Manipula yung napasok doon.
"Marami din talagang pelikulang gawang Pilipino na nandun.
"At tsaka, ayun, siyempre pinagpi-pray ko na magkaroon ng award yung pelikula.
"Tsaka maging best actress. Sana naman, baka naman, Lord, baka naman."
Inamin din ni Ana na mabibigat ang magiging kalaban nila.
Ayon kay Ana, ma-nominate lang siya ay isang malaking karangalan na.
Saad niya, "Oo naman, sobra. Kaya nung nalaman ko yun, hindi ako mapaniwala na parang, 'Lord, ito na ba yun?'
"Kasi ang tagal kong inantay. Ilang years din, two years, tapos eto na."
Sa ngayon, tututok muna si Ana bilang movie producer.
Aniya, "Siguro dahil nasa business line talaga ako. Tsaka gusto ko makagawa ng magandang pelikula.
"Alam mo yun, nakatatak sa tao."
May isa pang pelikulang si Ana rin ang producer, ang The Morning After, na si Xian Lim ang direktor.
Relaed Stories:
- Sexy star Ana Jalandoni rescued by Tagaytay police after alleged assault by boyfriend Kit Thompson
- Kit Thompson alleged assault of girlfriend Ana Jalandoni caused by jealousy, says police
- Kit Thompson's management releases new statement on actor's alleged assault
- Kit Thompson, nakapagpiyansa na; Ana Jalandoni, pursigidong magsampa ng kaso
- Kit Thompson out on bail after allegedly assaulting girlfriend Ana Jalandoni
- Ana Jalandoni, nakalabas na ng ospital; sinampahan ng paglabag sa VAWC si Kit Thompson
- Ana Jalandoni, pinagbantaan umano ni Kit Thompson: "Pag iniwan mo ako, patayin kita."
- Ana Jalandoni, galit pero mahal pa rin si Kit Thompson pagkatapos ng pananakit nito sa kanya
- Kampo ni Ana Jalandoni, posible ring kasuhan si Kit Thompson ng serious illegal detention at frustrated homicide
- Ana Jalandoni claims Kit Thompson pointed a knife at her during one of his outbursts
- Ana Jalandoni, nawalan ng kumpiyansa sa sarili dahil sa dinanas kay Kit Thompson
- Ana Jalandoni recalls how Kit Thompson took issue with her sexy films, followed ex-suitors on Instagram
- Ana Jalandoni in tears as she tells how Kit Thompson hurt her badly in March 17 fight: “Mamamatay ako dito kapag di ako tumakas."
- Ana Jalandoni at Kit Thompson, muling nagkita sa hearing