Pormal nang naghain ng reklamo ang actress-singer na si Lindsay Custodio laban sa kanyang estranged husband na si Frederick Cale.
Paglabag sa Republic Act 9262 o Anti-Violence Against Women and Their Children Act ang reklamong isinampa ni Lindsay laban sa asawa niyang nakabase sa Canada.
Read: Lindsay Custodio, magsasampa ng kaso laban sa non-showbiz husband
Nangyari ang paghahain ng reklamo ni Lindsay sa City Prosecutor’s Office ng Muntinlupa City, noong Biyernes, Hunyo 7, 2024.
Ito ay makalipas ng isang taon matapos magdesisyon ang actress-singer na putulin ang lahat ng kaugnayan at komunikasyon sa mister noong Hunyo 12, 2023.
“I have already filed a case and my legal counsel is Atty. Richard Librada," pagbabahagi ni Lindsay sa eksklusibong panayam ng PEP.ph (Philippine Entertainment Portal) ngayong Martes, Hunyo 11.
“I filed the case, Republic Act 9262, before the Prosecutor’s Office of Muntinlupa City.
“I subscribed it before Prosecutor Janine Rue P. Bareo.
"Assisted by my counsel, I learned that the case was already raffled and assigned to a city prosecutor of Muntinlupa.”
Read: Lindsay Custodio, traumatized bride on wedding day
LINDSAY FILES COMPLAINT ON FEAST OF THE SACRED HEART
Inihain ni Lindsay ang reklamo noong Hunyo 7 dahil ito ang petsa ng Feast of the Sacred Heart.
“Feast of the Sacred Heart dahil itinaon ko na i-surrender kay Lord ang lahat.
"Sabi ko, 'Lord, bahala Ka na,' at ito rin ang umpisa ng healing journey ko,” pahayag ni Lindsay sa PEP.
Ipinaliwanag ni Lindsay na naaantala ang pagsasampa niya ng reklamo dahil kumonsulta pa siya sa psychologist para kumpleto ang kanyang mga ebidensiya.
“It took a while for me to file because my counsel wanted na may supporting documents.
“I had to get an assessment and evaluation from my psychiatrists and psychologist,” saad niya.
Ipinauubaya raw ni Lindsay sa Panginoong Diyos ang mga susunod na mangyayari sa reklamong inihain niya para tuluyan na siyang makalaya mula sa kanyang asawa.
“I pray and expect that justice will be served and the decision will be in my favor,” dasal ni Lindsay.
Read: Lindsay Custodio, bakit May 13 ang piniling wedding day?
Bukas ang PEP sa panig ni Frederick Cale kaugnay ng reklamong inihain laban sa kanya ni Lindsay Custodio.