Nanumpa sa harapan ni Department of Finance (DOF) Secretary Ralph Recto ang bagong officers and members ng rebranded showbiz organization na Multi-media Press Society of the Philippines, Inc. (MMPRESS).
Ito ang dating kilalang Entertainment Press Society (EnPress).
Ginanap ang oathtaking sa Department of Finance office sa may Roxas Boulevard, Manila, nitong nakaraang Martes ng hapon, June 11, 2024.
Present sa oathtaking sina Jun Nardo (chairman), Ambet Nabus (president), Joseph Gonzales (secretary), Diego Dequino (assistant secretary), Lito Mañago (treasurer), Glenn Regondola (auditor).
Gayundin ang new members na sina Mr. Fu, Jimpy Anarcon, Lendl Fabella, Romina Austria, Leah Salterio, at Arniel Serato.
Hindi nakadalo sina Rose Garcia (vice president), Nora Calderon at Nitz Miralles (members) dahil sa prior commitments.
Ang adviser ng grupo ay si Noel Ferrer, na bahagi ng PEP Troika.
Read: Ralph Recto says wife Vilma Santos might return to politics
JUN NARDO ON MMPRESS: "RELEVANT NA KAMI SA TIME."
Sa panayam ng PEP.ph (Philippine Entertainment Portal), ipinangako nina Jun at Ambet na maraming pagbabago ang inihanda ng grupo ngayong taon.
Pahayag ni Ambet, “Kami po ay nangangako na sa pagbuhay uli ng award-giving body na ito ay may advocacy na kasama. Kasama na rito ang health, education, tourism.
“Pinalawak na rin namin yung aming membership kasi multi-media na nga siya, hindi lang siya nagpo-focus on television and film."
Dagdag ni Jun, “Kasama na diyan ang online, digital, teatro, sports, music, and stage.”
Ayon pa kay Ambet, "Marami pang mga planong gawin, team building na aayusin, charity work."
Pagtatapos ni Jun: “SEC (Securities and Exchange Commission) registered kami. Now, relevant na kami sa time, sumunod na kami sa panahon."
Umaasa ang grupo na bago magtapos ang taon ay maisasagawa nila ang naudlot na taunang awards night.
Read: Ralph Recto on son Ryan Christian joining showbiz, politics