May mga bagong rebelasyon ang Kapuso broadcast journalist na si Arnold Clavio tungkol sa naranasan niyang hemorrhagic stroke.
Nangyari ito habang siya ay nagmamaneho ng kanyang sasakyan noong Martes, Hunyo 11, 2024.
Kasalukuyang nakaratay at nagpapagaling si Arnold sa isang ospital sa Quezon City, at ang magandang balita ay hindi niya kailangang sumailalim sa operasyon.
Read: Arnold Clavio recovering from hemorrhagic stroke
ARNOLD CLAVIO DETAILS OBSERVATION PERIOD
Detalyadong ibinahagi ni Arnold ang kanyang mga pinagdaanan, pati na rin mga pagbabago sa buhay niya habang nagpapagaling.
Gusto niyang paalalahanan ang lahat na mahalagang malaman ang early signs of stroke para sa tinatawag na "golden stroke time" o ang "ideal time for stroke emergency," which is "three to six hours."
Aniya sa Instagram post (published as is), “Dahil pasok pa ako sa 6 hours na critical period , matapos ang aking ‘hemorrhagic stroke,’ agad akong inasikaso ng Brain Attack Team sa ER ng St. Lukes Medical Center.
“Pagkatapos ay iniakyat na ako sa Acute Stroke Unit (ASU). Doon ay mahigpit na babantayan ang akong blood pressure (BP) at blood sugar .
“Sa loob ng tatlong araw, regular ang pag-ikot ng neurologist, cardiologist at maging rehab doctor, para i-check ang aking kondisyon - kung lumalala o nag-iimprove ba? Malalaman din kung kailangan ba akong dumaan sa surgical operation .
“Pero dahil hindi naman tumabingi ang aking mukha o nabubulol ang aking pagsasalita, di ko na kailangan na maoperahan."
Naapektuhan ang bahagi ng kanyang utak na siyang nagsisilbing relay station sa pag-filter ng mga impormasyon sa pagitan ng utak at katawan.
Sa pagpapatuloy ng kanyang post, “Base sa kanilang paliwanag, 'his slight bleeding is in the thalamus area (left side) which is responsible for sensation and some muscle control thats why his right legs and arms had numbness and until now feels weak.'
“It’s systemic and warning sign. The bleeding is in the small vessels which is good.
"If the brain is a tree in the forest the bleeding happened in the grass area… meaning manageable,” ang lahad ni Arnold na ipinamalas ang pagiging tunay na reporter dahil kumpleto siya sa detalye.
“Good news, I am out of danger.”
Masaya pang balita ni Arnold tungkol sa kanyang kalagayan, “Sabi nga ni Doc , 'No more worries. The worst is over ! You’re a lucky man!'
"Ang kailangang gawin na lang ay mapababa pa ang aking BP at sugar level."
ARNOLD CLAVIO on AFTERMATH OF STROKE
Bahagi rin ng ikalawang yugto ng kanyang kuwento ay ang paggamit ng adult diaper at pagtuturok sa kanya ng insulin.
“Day 2 nang una akong makaupo pero sandali lang dahil hilo pa ako.
“Mahaba pa ang laban na ito. Ang laking pagbabago sa buhay ko habang nasa ASU. Bawal pa akong tumayo kaya kailangan ko na mag-adult diaper.
“Di ako komportable kaya inabot pa ng tatlong araw bago ako naka-pupu .
“Para rin akong sanggol na nililinisan at hinihilamusan araw-araw para maging presko ang pakiramdam.At may bago pala akong kaibigan - si insulin !
“Abangan ang pag-graduate ko sa ASU at simula ng akong therapy at rehabilitation . At sana ang aking kuwento ay makapagligtas ng maraming buhay,” ang pahayag ni Arnold.
Bilang pagtatapos sa kanyang post, ibinahagi ni Arnold ang sumusunod na Bible verse: “This is the message we have heard from him and declare to you: God is light; in him there is no darkness at all.” - 1 John 1:5