Ginunita noong Huwebes, Hunyo 27, 2024, ang ika-13 anibersaryo ng kamatayan ni Jo Ramos.
Si Jo ay anak ng yumao na ring si dating Pangulong Fidel V. Ramos at miyembro ng Powerplay band.
Read: Musician Jo Ramos succumbs to lung cancer
Noong araw ring iyon inilabas ni Julius Babao sa Unplugged YouTube channel nito ang kanyang ekslusibong panayam sa aktor na si Lloyd Samartino.
Si Lloyd, na anak ng veteran singer-actress na si Carmen Soriano, ang dating asawa ni Jo.
Maaaring nagkataon lang at hindi alam ni Julius na 13th death anniversary ni Jo nang i-upload niya ang interbyu kay Lloyd.
LLOYD SAMARTINO OPENS UP ABOUT HIS ESTRANGED SON, SERGIO
Sa nasabing panayam, ipinagtapat ni Llloyd na hanggang mamatay si Jo ay hindi sila nag-uusap at may problema sa relasyon nila ng kanyang nag-iisang anak na si Sergio.
Ikinuwento ni Lloyd na galit sa kanya si Jo, at hindi na sila nagkaroon ng pagkakataong magkausap buhat nang maghiwalay dahil comatose na ang dating asawa niya nang dumalaw ang aktor sa ospital.
Ikinasal sina Lloyd at Jo noong 1992, pero naghiwalay sila makalipas lamang ang tatlong taon dahil sa “rreconcilable differences."
Nangyari ang lahat ng ito habang nakaupo pa sa puwesto si President Ramos.
Pero pinakiusapan ni Ramos si Lloyd na huwag aminin sa publiko ang katotohanan hangga’t hindi natatapos ang kanyang termino bilang Pangulo ng bansa.
Naapektuhan ng hidwaan nina Lloyd at Jo ang kanilang anak na si Sergio dahil nagtanim din ito ng sama ng loob sa kanyang ama.
“Sergio was about 17, dun na siya sa in-laws ko nakatira. He moved with them sa Alabang.
"And he didn’t wanna talk to me. He was so angry at me,” rebelasyon ni Lloyd tungkol sa anak niyang lumaki sa piling ng kanyang mga biyenan mula nang pumanaw si Jo sa edad na 54.
Lahad ng aktor: “The first time we met up, my mother in-law [former First Lady Ming Ramos] set it up, and he wouldn’t look at me.
"Nakatingin lang siya sa sahig. Hindi ako kinakausap talaga.
“And then, eventually, naayos din, kaya lang it’s still a work in progress. Meron siyang tampo na hindi pa rin niya ma-release kasi lahat yon tinanong ko na.
“'Anak, I cannot change the past, but we can create new memories. It’s all up to you.'
"Okay naman siya, 'Okay, Pop. Sure, Pop.' Pero wala pa rin.
"So, that is one of the ongoing telenovelas of my life, for now."
Read: Lloyd Samartino enjoys status as a freelance actor; talks about late wife Jo Ramos
LLOYD SAMARTINO ON GROWING UP WITHOUT A FATHER
Gustung-gusto raw ni Lloyd na maging malapit at magkaroon sila ni Sergio ng higit na malalim na relasyon bilang mag-ama.
Ikinumpara ni Lloyd sa kanyang karanasan ang mga nangyari sa kanila ni Sergio dahil, tulad nito, lumaki siyang walang kapiling na ama.
Ayon kay Lloyd, bukod sa hindi regular ang pagkikita nila ni Sergio, wala rin silang komunikasyon sa isa’t isa.
“So whatever yung naririnig niya, one side lang. I was never given the chance to have a relationship with him na intimate talaga,” sambit ni Lloyd.
“I was telling nga my mom, ‘Mom, nakita mo, ganoon pala.’ Kasi ganoon din ang story ko.
"My mom and my dad separated when I was two years old. My father is an Italian foreigner living in Australia at the time.
“To make a long story short, nung naghiwalay sila, my dad couldn’t make a life here. And my mom’s career started to take off and she didn’t wanna go back to Australia anymore.
“And my dad was very heartbroken about it. In a way, my father felt that my mom didn’t want to share me.
"But according to my mom, 'I wanted him to get to meet you when you’re a little older.' Hindi ko rin siya nakita. I don’t have memories of him."
Read: Lloyd Samartino, inalala ang short-lived romance nila ni Nora Aunor
Pagpapatuloy ni Lloyd: “Lahat yan in-explain ko sa kanya [Sergio]. Sabi ko, 'Anak, this is what happened to me.'
“Eventually, we found out when I turned 14, that my dad died in a car accident, napugutan nga ng ulo, e.
“So, tapos na yon. And I found that out when I was sixteen because they didn’t know how to get in touch with us. That branch of my life is over.
"And I was telling my son, sabi ko, 'Anak, this is what happened to me. Don’t take us for granted. You lost one parent, don’t wait 'til it’s too late.
"God had a plan for you and me. Sa bilyun-bilyong tao sa mundo, bakit tayo ang mag-ama?
“'I hope you realize the significance of that kasi ako, I don’t have a dad. I don’t know what it's like to have a real dad.'
"I mean, I had surrogate dads when my mom eventually got involved with other people, but it’s not your own."
Sabi pa ni Lloyd sa estado ng relasyon nila ng anak, “Kasi dati, okay naman kami, we have a relationship, but it’s stop and go.
"Hindi siya yung, ‘Anak, let’s go swimming.’ Hindi kami ganoon."
Read: Lloyd Samartino denies living in with Snooky Serna
LLOYD SAMARTINO'S SON, SERGIO RAMOS SAMARTINO
Si Jo ay miyembro ng Powerplay Band noong aktibo pa siyang musician. Naging back-up musician siya ni Gary Valenciano sa mga pagtatanghal nito.
Minana ni Sergio ang talento ng kanyang ina sa musika at ngayon, ito naman ang back-up musician ni Gary.
“He plays backup for Gary V. Musician siya,” kuwento ni Lloyd tungkol sa kanyang estranged son.
“He graduated in Berkeley School of Music in Boston. Ano siya talaga, very talented. Very smart.
“Legally, he uses Ramos, but all his legal papers are Samartino.
"And I asked him one time, sabi ko, 'Why?' He didn’t give me a clear answer so hindi na ako nagtanong."
Hindi raw nawawala ang pag-asa si Lloyd na darating ang panahong magiging maayos ang relasyon nila ni Sergio.
“I am hopeful. In my heart, I know God has a big plan. Lahat naman tayo ganoon. You have to just trust that things will unfold when the time is right,” saad ng aktor.