Direkta nang pinangalanan ng GMA Network ang dalawang "independent contractors" na sangkot sa pang-aabuso umano sa Sparkle talent na si Sandro Muhlach.
Sa inilabas nilang opisyal na pahayag ngayong Huwebes ng hapon, Agosto 1, 2024, sinabi ng GMA Network na natanggap na nila ang pormal na reklamo ni Sandro laban kina Jojo Nones at Richard Cruz.
Read: Who is Sandro Muhlach?
Si Nones ay creative consultant at headwriter ng ilang progama ng GMA-7 gaya ng Mga Lihim ni Urduja, Dear Uge, Agimat ng Agila, at The First Nanny.
Si Cruz ay headwriter naman ng Kapuso shows na The Half Sisters, Love & Lies, at The World Between Us. Writer at creator din siya sa The Cure, Because of You, at marami pang iba.
Ayon sa pahayag ng GMA Network, sinimulan na nilang imbestigahan ang insidente kahit hindi pa sila nakatatanggap ng pormal na reklamo dahil sa "seriousness of the alleged incident."
Alinsunod sa kagustuhan ni Sandro, hindi raw ilalabas ng investigating body ang detalye ng pormal na imbestigasyon hangga't walang konklusyon.
Makakaasa raw ang publiko at stakeholders sa patas na imbestigasyon.
Narito ang buong pahayag ng GMA Network:
"GMA Network has just received a formal complaint from Sparkle artist Sandro Muhlach against two GMA independent contractors, Jojo Nones and Richard Cruz.
"Recognizing the seriousness of the alleged incident, GMA Network had already initiated its own investigation even before receiving the formal complaint.
"Respecting Sandro’s request for confidentiality, the investigating body will withhold all details of the formal investigation until its conclusion.
"The Network assures the public and all stakeholders of its commitment to conducting this investigation with the highest standards of fairness and impartiality."
THE INCIDENT
Nagsimulang kumalat ang balita tungkol sa insidenteng kinasasangkutan ni Sandro at ng dalawang "independent contractors" ng GMA-7 sa pamamagitan ng blind items.
Lalo itong pumutok matapos ilabas ng PEP Troika ang ulat tungkol sa isang baguhang aktor na muntik nang maging "midnight snack" diumano ng "dalawang powerful accla" ng isang istasyon.
Saad sa ulat: "Usap-usapan online na hinalay raw just recently ng dalawang powerful accla ang baguhang aktor na nasa early 20s pa lamang.
"Naganap umano ang panghahalay sa isang sosyal na hotel kung saan ginanap ang isang engrandeng pagtitipon.
"Gusto raw sana ng management ng TV network na huwag nang sumabog ang eskandalong ito.
"Ayon sa source ng PEP Troika, kumuha na ng abogado ang ama ng baguhang aktor na 'midnight snack' daw sana ng dalawang powerful accla."
Read: Newbie actor, muntik nang maging "midnight snack" ng TV execs
FIRST GMA-7 STATEMENT
Naglabas ng opisyal na pahayag ang GMA-7 noong Martes, Hulyo 30, tungkol sa kanilang "artist" at "independent contractors."
Ngunit wala pa raw silang natatanggap na pormal na reklamo noong panahong iyon kaya hindi pa nila matukoy kung may katotohanan ang mga kumakalat online.
Gayunpaman, sakaling magkaroon ng pormal na reklamo, magsasagawa raw sila ng masusi at walang kinikilingang imbestigasyon.
Narito ang kabuuang pahayag ng istasyon noon:
"Online articles and posts have recently circulated regarding an alleged incident involving an artist and independent contractors of GMA Network.
"We have yet to receive a formal complaint from those allegedly involved in the issue. Should one be filed, the Network is committed to conducting a thorough and impartial investigation.
"We assure the public that GMA Network takes such matters with utmost seriousness."
Read: GMA-7 statement on issue about artist, independent contractors
MUHLACH FAMILY DECLARES WAR
Kasunod nito ang pagdeklara ng mga Muhlach ng giyera laban sa anila'y nang-api sa isa nilang kaanak.
Sabi ni Niño Muhlach, ama ni Sandro, sa kanyang post kahapon, July 31, 2024: "INUMPISAHAN NYO, TATAPUSIN KO!"
Read: Nino Muhlach, sino ang pinatatamaan sa cryptic post?
Sinundan ito ng nanggagalaiting post ng asawa niyang si Diane Tupaz, stepmother ni Sandro.
Buong post ni Diane (published as is), "PINALAKI AT ININGATAN NAMING MABUTI ANG AMING MGA ANAK NA PUNO NG PAGMAMAHAL AT PAG AARUGA TAPOS WAWALANG HIYAIN LANG NG MGA KUNG SINONG TAO NA NILAMON NG KADEMONYOHAN SA KATAWAN PARA MAGAWA YUNG GANUNG KLASENG KABABUYAN!
"HINDI KAMI MAKAKAPAYAG NA HINDI NAMIN MAKAKAMIT ANG HUSTISYA! HABANG BUHAY NA DADALHIN NG ANAK NAMIN YUNG KABABUYAN NA GINAWA NYO SA KANYA! WALA KAMING PAKIALAM KUNG SINO KAYO O KUNG SINO ANG POPROTEKTA SA INYO!
"SISIGURADUHIN NAMIN NA PAGBABAYARAN NYO YUNG GINAWA NYO! HINDI NAMIN HAHAYAAN NA MAY MABIKTIMA PA KAYO NA IBA! ITUTULOY NAMIN ANG LABAN! MANAGOT ANG DAPAT MANAGOT! NAKAKA NGINIG KAYO NG LAMAN!
Read: Muhlach family declares war amid controversial issue
THE OTHER MUHLACH FAMILY MEMBERS
Kahapon din, July 31, nagbanta naman si Angela Muhlach, kapatid ni Niño, na ang pamilya nila ang tatapos sa mga hindi nabigyang katarungan na ilang mga artista.
Sabi niya sa kanyang Instagram Story, "Our family will be the one to break the injustices all the other artists are facing! This has to stop. We will fight for justice #MENTOO"
Pati ang pinsan ni Niño na si Andrew Muhlach ay may cryptic post din sa kanyang Facebook.
Ni-repost nito ang post ng pinsan at nilagyan niya ito ng caption na: "justice will prevail."
Si Andrew ay anak ng yumaong si Cheng Muhlach, na ama rin nina Aga at Arlene Muhlach.
Ni-repost din ng anak nina Aga at Janice de Belen na si Luigi Muhlach ang post ni Niño.
Makahulugan niyang caption dito: "Subukan niyo kami ng gising."
Hanggang ngayon ay wala pang opisyal na pahayag si Sandro tungkol sa insidente, ganun din ang mga akusadong sina Nones at Cruz.
Hindi pa malinaw kung nagsampa na rin ng pormal na reklamo sa korte ang kampo ni Sandro.
Ngunit ayon sa ulat ng Cabinet Files, dumulog na ang pamilya Muhlach sa isang ahensiya ng pamahalaan kaugnay ng pang-aabuso umano kay Sandro.
Mananatiling bukas ang PEP.ph (Philippine Entertainment Portal) sa panig ng lahat ng sangkot sa isyung ito.